| e-texts navigator |
| Wylie |
380b1 ལོ་ཡན་ཆད་ནས་བརྟག་པ་དང་། རྣམ་པ་སྣ་ཚོགས་སུ་བརྟག་པ་དང་། སྤུའི་ཚད་མཐོ་བཅུ་དྲུག་པ་དང་། འོད་ཟླུམ་པོ་འདོམ་གང་བ་ལ་བརྟག་པའི་སེམས་བསྐྱེད་དེ། མཐོང་ཞིང་རྟོགས་ན་ལ
380b2 ན་མ་ཐོ་བའི་ལས་ངན་པ་ཀུན་བྱང་བར་གྱུར་པ་ནི་གོང་དུ་བཤད་པ་བཞིན་ནོ། ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་གལ་ཏེ་སྦྱིན་བདག་དད་པ་ཞིག་མངོན་པར་ཤེས་པ་ལྔ་དང
380b3 ལྡན་ཏེ། ཡིད་བཞིན་གྱི་ནོར་བུ་རིན་པོ་ཆེ་འཆང་ཞིང་ཕྱོགས་བཅུའི་འཇིག་རྟེན་གྱི་ཁམས་ཀུན་ཏུ་འགྲོ་བའི་དབང་ཐོབ་ནས། འཇིག་རྟེན་གྱི་ཁམས་གཅིག་གི་སེམས་ཅན་གྱི་གྲངས་ཀྱང་བགྲང་དུ་མེད
380b4 པ་ལ། ཕྱོགས་བཅུའི་འཇིག་རྟེན་གྱི་སེམས་ཅན་ཚད་མེད་གྲངས་མེད་དཔག་ཏུ་མེད་པ་དག་ཐམས་ཅད་དགྲ་བཅོམ་པ་གྱུར་ཏེ། དགྲ་བཅོམ་པ་དེ་དག་ལ་སྦྱིན་བདག་ཆེན་པོ་དེས། བསྐལ་པ
380b5 བརྩི་བ་དང་བགྲང་བ་ལས་འདས་པའི་མཐར་ཐུག་གི་བར་དུ་ཡོ་བྱད་རྣམས་ཀྱིས་རྒྱུན་མ་ཆད་པར་མཆོད་ཅིང་སྦྱིན་པ་བྱིན་ན། དེའི་བསོད་ནམས་རབ་ཏུ་མང་བ་ཡིན་ནམ་ཞེས་བཀའ་སྩལ་པ་དང་།
380b6 རྒྱལ་པོ་ཡབ་ཀྱིས་གསོལ་པ། བཅོམ་ལྡན་འདས་ཕྱོགས་གཅིག་གི་དགྲ་བཅོམ་པ་ལ་མཆོད་པ་བྱས་ཀྱང་གསོད་ནམས་དཔག་ཏུ་མ་མཆིས་ན། ཕྱོགས་བཅུའི་དགྲ་བཅོམ་པ་ལ་མཆོད་པ་བྱས
380b7 པ་ལྷ་མོས་ཀྱང་ཅི་དགོས། བཅོམ་ལྡན་འདས་ཀྱིས་ཡབ་རྒྱལ་པོ་ལ་བཀའ་སྩལ་པ། གལ་ཏེ་སྐྱེས་བུ་ཞིག་གིས་ངན་པར་ལྟ་བའི་སྐྱེ་བོ་གྲངས་སྔ་མ་པས་མང་བ་སྐང་དགྲ་བཅོམ་པའི་ལམ་ལ་བཅུད་དེ།
iiif viewer powered by OpenSeadragon
