| e-texts navigator |
| Wylie |
379b1 ། ཆེའི་གྲུ་ལ་བཞུགས་པ་ལྟར་དེ་བཞིན་གཤེགས་པའི་ཐུགས་ཀྱི་བར་ན་རྒྱུ་ཞིང་གཤེགས་པར་སྟོན་ནོ།། སྤྲུལ་པའི་སངས་རྒྱས་དེ་དག་ཀུན་ཀྱང་སོ་སོ་ནས་སྲེག་མ་གཅོད་པ་ལ་བསྔགས་པ
379b2 སངས་རྒྱས་རྗེས་སུ་དྲན་པ་ལ་བསྟོད་པ་དང་། ཆོས་རྗེས་སུ་དྲན་པ་ལ་བསྟོད་པ་དང་། དགེ་འདུན་རྗེས་སུ་དྲན་པ་ལ་བསྟོད་པ་དང་། ཚུལ་ཁྲིམས་རྗེས་སུ་དྲན་པ་ལ་བསྟོད་པ་དང་། སྦྱིན་པ་རྗེས
379b3 སུ་དྲན་པ་ལ་བསྟོད་པ་དང་། ལྷ་རྫས་སུ་དྲན་པ་ལ་བསྟོད་པ་དང་། འདུམ་པ་ལ་གུས་པ་རྣམ་པ་དྲུག་ལ་བསྟོད་པ་དང་། བྱམས་པའི་ཏིང་ངེ་འཛིན་ལ་བསྟོད་ཅིང་བསྔགས་པ་དག་སྟོན་རིང
379b4 འཆད་དོ། ། དྲན་པ་དེ་དྲུག་གིས་དགེ་བའི་ཆོས་རྣམས་སྐྱེ་བར་འགྱུར་ཏེ། དྲན་པ་འདི་དྲུག་ནི་སངས་རྒྱས་རྣམས་ཀྱི་རྒྱུའོ།། སངས་རྒྱས་ཀྱི་ཐུགས་ནི་རྗེས་སུ་དྲན་པ་དྲུག་གི་ཟུགས་སོ།།
379b5 འདུན་པ་ལ་གུས་པ་དྲུག་གི་རྒྱུ་ལས་ཆོས་རྣམས་ཐོབ་པར་གྱུར་ཏེ། མངོན་པར་རྫོགས་པར་འཚང་རྒྱ་བར་འདོད་པ་དག་སངས་རྒྱས་ཀྱི་ཐུགས་ལྟར་བསླབ་པར་བྱའོ།། བཅོམ་ལྡན་འདས་ཀྱིས་དེ
379b6 སྐད་ཅེས་བཀའ་སྩལ་པ་དང་། དེ་བཞིན་གཤེས་པའི་སྐུའི་འོད་ལྷག་པར་སྣང་ཞིང་གསལ་བར་གྱུར་ཏེ། སངས་རྒྱས་ཀྱི་སྐུ་དང་སྐུའི་འོད་ཟེར་ལས་སྤྲུལ་པའི་སངས་རྒྱས་དང་རིན་པོ་ཆེའི་རྒྱན་དང
379b7 མེ་ཏོག་དང་། པདྨོ་གྲངས་མེད་པ་བརྗོད་དུ་མེད་པ་རྣམས་ཀྱང་ལྷག་པར་གསལ་བར་གྱུར་ཏོ།། རིན་པོ་ཆེའི་རྒྱན་དང་མེ་ཏོག་དང་། པདྨ་དང་། འོད་ཟེར་གྱི་རྣམ་གྲངས་མང་པོ་ནི་མེ་ཏོག་སྣ་ཚོགས
iiif viewer powered by OpenSeadragon
