| e-texts navigator |
| Wylie |
379a1 ཡོད་པར་གྱུར་ཏོ། ། པདྨོ་དེ་རེ་རེའི་སྟེང་ན་ཡང་སྤྲུལ་པའི་སངས་རྒྱས་སྐུའི་ཚད་དཔག་ཏུ་མེད་ཚད་མེད་གཞལ་དུ་མེད་པ་བརྒྱད་ཁྲི་བཞི་སྟོང་སྙེད་བཞུགས་སོ།། སྤྲུལ་པའི་སངས།
379a2 རྒྱས་དེ་དག་ཀུན་གྱི་སྤུའི་བུ་ག་དང་ཐུགས་ལས་འོད་ཟེར་བཀྱེ་བ་ཡང་སྔར་གོང་དུ་བཤད་པ་བཞིན་ནོ།། དེ་ལྟར་འོད་གཟེར་དེས་ཕྱོགས་བཅུར་སྣང་བར་བྱས་ནས། སངས་རྒྱས་ཀྱི་སྤྱི་གེ་ཙུག་ཏུ
379a3 ཞུགས་ཏེ། ཕྱིར་སངས་རྒྱས་ཀྱི་སྨིན་མཚམས་ཀྱི་མཛོད་སྤུ་དཀར་པོ་ནས་བྱུང་ངོ་།། མཛོད་སྤུ་དཀར་པོ་ནས་བྱུང་ནས་ཕྱོགས་བཅུའི་འཇིག་རྟེན་དུ་གསེར་གྱི་རྒྱལ་མཚན་ལྟ་བུར་སྣང་བར་བྱས་ཏེ།
379a4 ཕྱོགས་བཅུའི་འཇིག་རྟེན་གྱི་ས་གཞི་ཀུན་གསེར་གྱི་ཁ་དོག་ཏུ་སྣང་བར་བྱས་ན་སྤྲུལ་པའི་སངས་རྒྱས་རྣམས་ཀྱང་སླར་བཅོམ་ལྡན་འདས་ཀྱིས་ཞལ་དུ་བསྡུས་སོ།། དེ་ནས་ཕྱིར་ཡང་སངས་རྒྱས་ཀྱི
379a5 ཞལ་ནས་བྱུང་སྟེ་ཕྱོགས་བཅུར་སྣང་བར་བྱས་སོ། ། དེ་ནས་སླར་ཡང་ཐུགས་ཀར་ཞུགས་ཏེ། ཐིམ་པ་ལས་ཐུགས་ཀ་ནས་བྱུང་ནས་ཕྱོགས་བཅུ་ཀུན་ཏུ་གསལ་བར་བྱས་སོ།། དེ་ནས་ཡང
379a6 སླར་འདུས་ཏེ་སངས་རྒྱས་ཀྱི་ལྟ་བར་ཞུགས་སོ། ། འོད་ཟེར་དེ་དག་ལྟེ་བར་ཞུགས་པ་ན། བཅོམ་ལྡན་འདས་ཀྱི་སྐུ་བཻ་ཌཱུཪྻ་ལྟ་བུ་ཕྱི་ནིང་དུ་གསལ་ཞིང་ཆུ་དང་ས་པ་ལྟར་མི་གཡོ་བར་གྱུར་པ་དང་། ཁམ
379a7 གསུམ་གྱི་རྒྱུད་ལྔའི་སེམས་ཅན་ཐམས་ཅད་དེ་བཞིན་གཤེགས་པའི་ཐུགས་ཀྱི་འོད་ཟེར་ལས་སྣང་བར་གྱུར་ཏོ། ། སྤྲུལ་པའི་སངས་རྒྱས་རྣམས་ཀྱང་རིན་པོ་ཆེའི་ཁང་པ་བརྩེགས་པ་ན་རིན་པོ
iiif viewer powered by OpenSeadragon
