| e-texts navigator |
| Wylie |
378a1 དང་རབ་ཏུ་ཚིམ་པར་འདུ་ཤེས་བསྐྱེད་དེ། དེ་ལ་ཆོས་བཤད་པ་དང་། སངས་རྒྱས་ལ་བསྟོད་པ་དང་། དགེ་སློང་གི་དགེ་འདུན་ལ་ཡོངས་སུ་བསྟོད་པ་དང་། རྗེས་སུ་བསྔགས་པ་བྱེད་པར་འདུ་ཤེས
378a2 བསྐྱེད་དོ། ། དེ་ཡང་ལྷག་པར་སྙིང་བརྩེ་བའི་སེམས་བསྐྱེད་དེ་སྐད་ཅིག་ཙམ་ཡང་མི་གཏོང་བ་ནི། བྱམས་པ་ཆེན་པོའི་སེམས་ཏེ་ཤིན་ཏུ་ཡིད་ལ་འཛིན་ཅིང་དམིགས་པ་དག་རྒྱས་པར་ནི་བྱམས་པའི་ཏིང་ངེ་འཛིན་གྱི་ནང་ནས
378a3 བཤད་པ་བཞིན་ནོ། ། དེ་ལྟར་བྱམས་པའི་སེམས་དང་ལྡན་པར་བསྒོམ་པ་ནི་བྱམས་པ་ཆེན་པོ་ཞེས་བྱའོ།། བྱམས་པ་བསྒོམས་ནས་སྙིང་རྗེ་ཆེན་པོ་བསྒོམ་པར་བྱའོ།། སྙིང་རྗེ་ཞེས་བྱ་བ་ནི་ཁམས་གསུམ་གྱི་སེམས་ཅན་སྡུག་བསྔལ
378a4 གྱིས་གདུངས་པ་དག་མཐོང་བ་དང་བདག་གི་སྙིང་ལ་མདས་ཕོག་པ་འམ། མིག་གི་འབྲས་བུ་ས་ལ་ལྷུང་བ་ཙམ་དུ་རབ་ཏུ་སྙིང་རྗེ་བསྐྱེད་དོ།། སེམས་ཅན་ཚ་བས་གདུངས་པ་དང་བཀྲེས་ཤིང་སྐོམ་པ་བདག་མཐོང་ན། བདག་གི
378a5 ལུས་ལས་ཁྲག་ཆར་བཞིན་ཕབ་སྟེ། དེ་དག་སྡུག་བསྔལ་ལས་གནོད་པར་བསམ་མོ།། དེ་ལྟ་བུར་སྙིང་རྗེ་ལ་ཡང་སྒོ་ཁྲི་ཕྲག་བརྒྱ་སྟོང་སྙེད་ཡོད་དེ། རྒྱས་པར་ནི་སྙིང་རྗེ་ཆེན་པོའི་ཏིང་ངེ་འཛིན་ལས་བཤད་པ་བཞིན་ནོ།།
378a6 དེ་ལྟར་བྱམས་པ་དང་། སྙིང་རྗེ་བསྒོམས་ནས་དགའ་བ་ཆེན་པོ་བསྒོམ་པར་བྱའོ།། དགའ་བ་ཆེན་པོ་ཞེས་བྱ་བ་ནི། སེམས་ཅན་རྣམས་རབ་ཏུ་བདེ་ཞིང་སྐྱིད་པ་དག་མཐོང་ན་བདག་ཉིད་ཀྱིས་ཉམས་སུ་མྱོང་བ་དང་།
378a7 འདྲ་བར་རབ་ཏུ་དགའ་བའི་སེམས་བསྐྱེད་དོ།། དེ་ལྟར་དགའ་བ་བསྐྱེད་ནས་བཏང་སྙོམས་ཆེན་པོ་བསྒོམ་པར་བྱའོ།། བཏང་སྙོམས་ཞེས་བྱ་བ་ནི་སེམས་ཅན་དེ་དག་ཀུན་སྣང་བ་དང་། མི་སྣང་བ་དང་། འོངས་པ་དང་། སོང
iiif viewer powered by OpenSeadragon
