| e-texts navigator |
| Wylie |
377b1 བཞིའི་ནང་གང་བ་ལ་འདྲིས་ནས། དེ་བཞིན་དུ་མཐར་གྱིས་རྒྱ་བསྐྱེད་དེ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཡོངས་སུ་གང་བ་ལ་འཇུག་པར་བྱའོ།། དེ་ལ་ཇི་ལྟར་བལྟ་ཞེ་ན། ཤར་ཕྱོགས་ཀྱི་སེམས
377b2 ཅན་ཐམས་ཅད་ནི་ཕ་ལྟ་བུར་བལྟའོ། ། ནུབ་ཕྱོགས་ཀྱི་སེམས་ཅན་ཐམས་ཅད་ནི་མ་ལྟ་བུར་བལྟའོ།། ལྷོ་ཕྱོགས་ཀྱི་སེམས་ཅན་ཐམས་ཅད་ནི་ཕུ་བོ་ལྟ་བུར་བལྟའོ།། བྱང་ཕྱོགས་ཀྱི་སེམས་ཅན་ཐམས་ཅད་ནི་ནུ
377b3 བོཔོ་ལྟ་བུར་བལྟའོ། ། འོག་མ་ཕྱོགས་ཀྱི་སེམས་ཅན་ཐམས་ཅད་ནི་བུ་དང་ཆུང་མ་ལྟ་བུར་བལྟའོ།། སྟེང་གི་ཕྱོགས་ཀྱི་སེམས་ཅན་ཐམས་ཅད་ནི་སློབ་དཔོན་དང་བླ་མ་ལྟ་བུར་བལྟའོ།། ཕྱོགས་མཚམས་གཞན་གྱི་སེམས
377b4 ཅན་རྣམས་ནི། ། དགེ་སློང་དང་བྲམ་ཟེ་དང་།། གཉེན་བཤེས་སུ་བལྟའོ།། སེམས་ཅན་དེ་དག་ཀུན་ཀྱང་སྡུག་བསྔལ་གྱིས་ཡོངས་སུ་གདུངས་པ་དང་། ནད་ཆེན་པོས་གཟར་བ་དང་།། མཚོན་གྱི་ནགས་ཚལ
377b5 དང་རབ་ཏུ་ཚ་བ་དང་། རབ་ཏུ་གྲང་བ་དང་ལྕགས་ཚན་ལ་སོགས་པས་རབ་ཏུ་གདུངས་ཤིང་སྡུག་བསྔལ་བར་ལྷ་སྟེ། དེ་ལྟ་བུར་མཐོང་ནས་དེ་ལ་སྙིང་བརྩེ་བ་དང་སྙིང་རྗེ་བའི་ཡིད་ཀྱིས་སྡུག་བསྔལ་དེ
377b6 ལས་འདོན་པའི་ཕྱིར། བདག་རིན་པོ་ཆེའི་པདྨོས་བཏེག་སྟེ། དེ་དག་གི་དྲུང་དུ་འདུག་ནས་ལུས་མཉེས་ཤིང་བཀྲུས་ཏེ་ནད་རྣམས་བསལ་བར་འདུ་ཤེས་བསྐྱེད་དོ།། དམྱལ་བའི་མེ་ལ་ཡང་སྙིང་རྗེ་ཆེན་པོས་མཆི
377b7 མཆར་བཞིན་དུ་ཕབ་སྟེ། མེ་དེ་དག་ཀུན་བསད་པར་འདུ་ཤེས་བསྐྱེད་དོ།། ཡི་དགས་རྣམས་ལ་ནི་བདག་གི་ལུས་ལས་ཁྲག་ཕྱུང་སྟེ། ཁྲག་དེ་དག་ཀྱང་འོ་མར་བསྒྱུར་ནས་ཡི་དགས་རྣམས་ལ་བྱིན་ཏེ། ཆོག་ཅིང་འགྲངས་པ
iiif viewer powered by OpenSeadragon
