| e-texts navigator |
| Wylie |
377a1 འཁོར་མང་པོ་རྣམས་ལ་བཀའ་སྩལ་པ། འདི་ལྟ་སྟེ། བྱམས་པའི་སེམས་ཀྱི་ཏིང་ངེ་འཛིན་ཞེས་བྱ་བ་ནི། འདི་ལྟར་འདུ་ཤེས་བསྐྱེད་པར་བྱའོ།། སྲིད་པ་གསུམ་གྱི་སེམས་ཅན
377a2 ཐམས་ཅད་ལ་ཕ་མ་དང་བུ་ཚའི་འདུ་ཤེས་སུ་བཞག་སྟེ། ཡིད་ལ་བྱེད་པ་དང་བསྒོམ་ཞིང་དམིགས་པའི་ཚེ་ན། སེམས་ཅན་དེ་དག་ཀུན་བདག་གི་ཕ་མ་དང་བུ་ཚ་དང་ཆུང་མ་དང་གཉེན་བཤེས་སུ་གྱུར་པ་ཤིན་ཏུ་འཕངས
377a3 ཤིང་གཅེས་པ་ཡིད་ལ་སྡུག་པ་དག། སྡུག་བསྔལ་གྱིས་གདུངས་པར་གྱུར་པ་ལ་ཤིན་ཏུ་བརྩེ་བའི་ཡིད་ཀྱིས་བརྟག་ཅིང་དམིགས་ཏེ་ཡིད་ལ་བྱའོ།། སེམས་ཅན་གང་དག་ནད་དང་སྡུག་བསྔལ་གྱིས་ཉོན་མོངས་པ
377a4 དག་མཐོང་ན་དེའི་སྐྱབས་ཇི་ལྟར་བྱ་སྙམ་བསམ་མོ། ། དེ་དག་ཀུན་གྱི་སྡུག་བསྔལ་སྤངས་ནས་བདེ་འགྲོའི་མཐོ་རིས་ལ་བཀོད་པར་དམིགས་སོ།། འདུ་ཤེས་དེ་ལས་སུ་རུང་བར་གྲུབ་ནས་འདུ་ཤེས་གཉིས་ལ་འཇུག
377a5 པར་བྱའོ། ། འདུ་ཤེས་གཉིས་ལ་འདྲིས་ནས་གསུམ་ལ་འཇུག་པར་བྱའོ།། གསུམ་ལ་འདྲིས་ནས་ཁང་པ་གཅིག་གི་ནང་གང་བ་ལ་འཇུག་པར་བྱའོ།། ཁང་པ་གཅིག་གི་ནང་གང་བ་ལ་འདྲིས་ནས། དགེ
377a6 འདུན་གྱིས་གནས་ཁང་གཅིག་གི་ནང་གང་བ་ལ་འཇུག་པར་བྱའོ། ། དགེ་འདུན་གྱི་གནས་ཁང་གང་བ་ལ་འདྲིས་ནས། ཁོ་ར་ཁོར་ཡུག་ཏུ་དཔག་ཚད་གཅིག་གི་ནང་གང་བ་ལ་འཇུག་པར་བྱའོ།། དཔག་ཚད་གཅིག
377a7 གི་ནང་གང་བ་ལ་འདྲིས་ནས། ལྷོའི་འཛམ་བུ་གླིང་གི་ནང་གང་བ་ལ་འཇུག་པར་བྱའོ།། འཛམ་བུའི་གླིང་གི་ནང་གང་བ་ལ་འདྲིས་ནས། གླིང་གསུམ་གང་བ་ལ་འཇུག་པར་བྱའོ།། དེ་ལྟར་གླིང་ཆེན་པོ།
iiif viewer powered by OpenSeadragon
