| e-texts navigator |
| Wylie |
376b1 པོ་རྣམས་ཀྱིས་ཀྱང་སེམས་ཅན་དམྱལ་བ་དང་། ཡི་དགས་དང་བྱོལ་སོང་དུ་གྱུར་པ་རྣམས་མཐོང་བར་གྱུར་པ་དང་། འཁོར་རྣམས་ཀྱིས་དགེ་བའི་རྣམ་པར་ཐར་པའི་ཏིང་ངེ་འཛིན་གྱིས་སེམས་ཅན་དེ་དག་ཀུན་གྱི་སྔོན་གྱི
376b2 སྐྱེ་གནས་དྲན་པར་གྱུར་ཏེ། སྡུག་བསྔལ་གྱིས་གདུངས་པའི་སེམས་ཅན་དེ་དག་ཀུན་འཁོར་མང་པོ་རྣམས་ཀྱི་སྔོན་བསྐལ་པ་གྲངས་མེད་པའི་སྔོན་རོལ་ན་བདག་བདག་གི་ཕ་མ་དང་གཉེན་བཤེས་ཡིན་པར་མཐོང་ངོ་།།
376b3 དེ་ལྟར་མཐོང་ནས་མཆི་མ་བླགས་ཏེ་སངས་རྒྱས་ལ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་རྣམས་སངས་རྒྱས་ཀྱི་བྱིན་གྱིས་བརླབས་ཀྱིས་སྡུག
376b4 བསྔལ་བ་སེམས་ཅན་འདི་དག་ཀུན་བདག་གི་ཕ་མ་དང་སློབ་དཔོན་དང་གཉེན་པཤེས་སུ་མཐོང་བར་གྱུར་ཏོ་ཞེས་གསོལ་བ་དང་། བཅོམ་ལྡན་འདས་ཀྱིས་འཁོར་མང་པོ་རྣམས་ལ་བཀའ་སྩལ་པ། རིགས
376b5 ཀྱི་བུ་དག་ཁམས་གསུམ་གྱི་སེམས་ཅན་ལམ་རྒྱུད་དྲུག་ཏུ་སྒྱུ་མའི་འཁྲུལ་འཁོར་བཞིན་དུ་འཁོར་བས། ཕ་དང་མ་དང་བུ་དང་ཆུང་མ་དག་གཉེན་བཤེས་སུ་མ་གྱུར་པ་གང་ཡང་མེད་དེ། ཁམས་གསུམ་འཁོར་བའི་གཉེན
376b6 བཤེས་ཡིན་ན་དེ་ལ་གནོད་པའི་སེམས་ཙམ་ཡང་མི་བསྐྱེད་ན། གནོད་པ་དངོས་སུ་ལྷ་ཅིའི་ཕྱིར་བྱ་ཞེས་གསུངས་པ་དང་། དེའི་ཚེ་ཟས་གཙང་མ་ལ་སོགས་པའི་འཁོར་མང་པོ་རྣམས་ཀྱིས་བཅོམ་ལྡན་འདས་ལ་འདི་སྐད
376b7 ཅེས་གསོལ་ཏོ། ། བཅོམ་ལྡན་འདས་བྱམས་པའི་ཐུགས་ཀྱི་ཏིང་ངེ་འཛིན་ཞེས་བགྱི་བ་ཅི་ལྟ་བུ་ལགས། དེ་དག་བཅོམ་ལྡན་འདས་ཀྱིས་ཕྱོགས་གཅིག་ཙམ་བཤད་དུ་གསོལ་ཞེས་གསོལ་བ་དང་། བཅོམ་ལྡན་འདས་ཀྱིས
iiif viewer powered by OpenSeadragon
