| e-texts navigator |
| Wylie |
376a1 མཐོང་ངོ་། ། ལ་ལས་ནི་ཕ་དང་མ་ལྟ་བུར་མཐོང་ངོ་།། ལ་ལས་ནི་བླ་མ་དང་སློབ་དཔོན་ལྟ་བུར་མཐོང་སྟེ། དེའི་ཚེ་སེམས་ཅན་སྡུག་བསྔལ་བ་རྣམས་ལ་དགོངས་པའི་ཕྱིར་སྤྲུལ་པའི་སངས་རྒྱས
376a2 རྣམས་ཀྱི་སྙིང་ཐུགས་ཀར་བྱུང་ནས་འོད་དང་བཅས་ཏེ་ཕྱིར་ཡང་སྐུའི་ལྟེ་བར་ཞུགས་སོ། ། དེ་ནས་ཡང་ཕྱིར་ཐུགས་ཀར་བྱུང་ནས་རིན་པོ་ཆེའི་གྲུར་ཞུགས་ནས་རྒྱུད་ལྔའི་སེམས་ཅན་སྡུག་བསྔལ་གྱིས་གདུངས
376a3 པའི་གནས་ཀུན་ཏུ་གཤེགས་ཏེ་འོད་དང་བཅས་པར་བྱུང་ངོ་། ། དེའི་ཚེ་རྒྱུད་ལྔའི་སེམས་ཅན་སྡིག་པ་ཅན་སྡུག་བསྔལ་གྱིས་གདུངས་པ་དེ་དག་ཀུན་གྱིས་སྤྲུལ་པའི་སངས་རྒྱས་རྣམས་ཀྱི་ཐུགས་དང་སངས་རྒྱས
376a4 རྣམས་སོ་སོའི་ཕ་མ་འམ། དགེ་བའི་བཤེས་གཉེན་དང་གཉེན་བཤེས་ལྟ་བུར་མཐོང་སྟེ། བགས་ཀྱིས་འཇིག་རྟེན་ལས་འདས་པའི་ཆོས་ཀྱང་བཤད་པ་ཐོས་པར་གྱུར་ཏོ།། དེའི་ཚེ་སྟེང་གི་ནམ་མཁའ་ལས་འདི
376a5 སྐད་ཀྱི་སྒྲ་ཆེན་པོ་བྱུང་ནས་འཁོར་མང་པོ་རྣམས་ལ་བསྒོ་བ། ཁྱེད་རྣམས་དེ་བཞིན་གཤེགས་པའི་ཐུགས་རྗེས་སུ་དྲན་པར་གྱིས་ཤིག། སངས་རྒྱས་ཀྱི་ཐུགས་ནི་བྱམས་པ་ཆེན་པོ་སྟེ། བྱམས་པ་ཆེན་པོ
376a6 ནི་སྡུག་བསྔལ་གྱིས་གདུངས་པའི་སེམས་ཅན་རྣམས་ལ་དགོངས་ཤིང་དམིགས་སོ། ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ།། དེ་ལ་ཇི་ལྟར་ན་བྱམས་པའི་ཐུགས་ཞེས་བྱ་བ་ནི་སྡུག་བསྔལ
376a7 གྱིས་གདུང་བའི་སེམས་ཅན་ཡོང་སུ་འཛིན་པའོ། ། སྡུག་བསྔལ་གྱིས་གདུངས་པ་ཞེས་བྱ་བ་ནི་ངན་སོང་གསུམ་དུ་ཡོངས་སུ་འཁོར་བའོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཅིང་བསྟན་པའི་ཚེ། འཁོར་མང
iiif viewer powered by OpenSeadragon
