| e-texts navigator |
| Wylie |
375b1 འཇིག་རྟེན་གྱི་ཆུའི་མིང་ཡང་མི་ཐོས་མི་མཐོང་བར་འགྱུར་རོ། ། དེ་ནས་ཐར་ནས་ཡང་སྐྱེ་བ་ལྔ་བརྒྱའི་བར་དུ་ངན་དགུ་འཚོགས་པར་འགྱུར་ཞིང་རིག་ལྐུགས་དང་ཞྭ་འཐེང་དང་སྨྲ་བ་མི་བདེ་བ་དང་། སྤོབས་པ་ཆུང
375b2 བར་འགྱུར་རོ། ། སྔོན་གྱི་ལས་ངན་པའི་བག་ཆགས་ཀྱིས་ཁ་བས་ཟོས་པའི་སྟེང་དུ་ཡང་སོལ་བ་དང་བོང་བ་ཟ་བར་འགྱུར་རོ།། དེ་ནས་གཟོད་དགེ་བའི་བཤེས་གཉེན་དང་ཕྲད་དེ་བྱང་ཆུབ་ཏུ་སེ།
375b3 བསྐྱེད་པར་གྱུར་ཏོ།། སངས་རྒྱས་ཀྱི་ཐུགས་བརྟག་པའི་འོད་ཟེར་ལས་རྣམ་པར་སྨིན་པ་བཤད་པའི་ལེའུ་སྟེ་ལྔ་པའོ།། སངས་རྒྱས་རྗེས་སུ་དྲན་པའི་ཏིང་ངེ་འཛིན་གྱི་རྒྱུམ།
375b4 ཞེས་བྱ་བའི་མདོབ་མ་པོ་དྲུག་པ། དེའི་ཚེ་སེམས་ཅན་ཉོན་མོངས་པ་མང་པོ་དག་དེ་ལྟར་གྱུར་པ་དང་། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཅིང་བསྟན་ནས། བཅོམ་ལྡན་འདས་ཀྱིས
375b5 ཐུགས་རྗེ་ཆེན་པོ་བྱམས་པའི་ཐུགས་ཀ་ནས་འོད་ཟེར་ཁ་དོག་དཀར་པོ་རྣམ་པ་བཅུ་ཐུགས་ལས་ཕྱུང་སྟེ། ཕྱོགས་བཅུའི་འཇིག་རྟེན་གྱི་ཁམས་ཀུན་སྣང་བར་བྱས་སོ།། འོད་དེ་རྣམ་པ་རེ་རེ་ལས་ཀྱང་སྤྲུལ་པའི
375b6 སངས་རྒྱས་ཚད་མེད་པ་རིན་པོ་ཆེའི་པད་མོ་ལ་བཞུགས་སོ། ། དེའི་ཚེ་འཁོར་མང་པོ་ཐམས་ཅད་ཀུན་གྱིས་སངས་རྒྱས་ཀྱི་འོད་ཟེར་དེ་ལ་སོ་སོར་མཐོང་བ་ཐ་དད་དེ། འཁོར་དེ་ལ་ལས་ནི་ཡིད་བཞིན་གྱི་ནོར་བུ་ལྷ
375b7 བུར་མཐོང་ངོ་། ། ལ་ལས་ནི་ཤེལ་གྱི་རི་ལྟ་བུར་མཐོང་ངོ་།། ལ་ལས་ནི་ཆུ་ཐམས་ཅད་ཀྱི་རང་བཞིན་དུ་མཐོང་ངོ་།། ལ་ལས་ནི་རིན་པོ་ཆེའི་རྣམ་གྲངས་སུ་མཐོང་ངོ་།། ལ་ལས་ནི་སྨན་རྣམས་ཀྱི་རང་བཞིན་དུ
iiif viewer powered by OpenSeadragon
