| e-texts navigator |
| Wylie |
373a1 ། ཀྱིས་དགའ་བོ་ལ་བཀའ་སྩལ་པ། དེ་ལ་ཇི་ལྟར་ན་ལྕགས་ཀྱི་ཐུ་ལུམ་གྱི་སེམས་ཅན་དམྱལ་བ་ཞེ་ན། ལྕགས་ཀྱི་ཐུ་ལུམ་གྱི་སེམས་ཅན་དམྱལ་བ་ཞེས་བྱ་བ་ནི། དཔག་ཚད་བརྒྱད་ཅུ་སྙེད་ལྷགས
373a2 ཀྱི་མཁར་དུ་གྱུར་པའི་ནང་ན་བར་ཆད་བརྒྱད་ཅུ་རྩ་བརྒྱད་ཡོད་དོ། ། བར་ཆད་རེ་རེའི་ནང་ན་ཡང་མཚོན་གྱི་རི་བོ་ལྔ་ལྔ་ཡོད་དོ།། སྟེང་གི་ཕྱོགས་ནས་ཀྱང་མཚོན་གྱི་འཁོར་ལོ་བལྟམས་ཏེ། དེའི་འོག་ན་ལྕགས་ཀྱི་སྤྲུ
373a3 ཆེན་པོ་བརྒྱ་སྙེད་ཡོད་དོ། ། སྦྲུལ་དེ་ཁ་གདངས་པའི་ཚེ་ན་ཡང་ཁ་ནས་མེ་འབར་ཏེ་ལྕེ་འབྱིན་པའི་ཚེ་ན་ཡང་ལྕེའི་ཐོག་མ་ལ་རལ་གྲི་རྣོན་པོ་འབར་བ་ཡོད་དོ།། འཇིག་རྟེན་ན་གང་ཟག་སྡིག་པ་ཅན་དག་སྦྱིན་པ་བྱེད་པ་ལ་གཤེ
373a4 ཤིང་སྨོད་པ་དང་། དགེ་བ་སོགས་པའི་མི་དང་དཀོན་མཆོག་གསུམ་དུ་གྱུར་པ་ལ་འཚེ་ཞིང་ངན་དུ་སྨོད་པ་དང་། དགེ་བ་དང་གསོ་སྦྱིན་བྱས་པ་ལ་རྣམ་པར་སྨིན་པའི་རྒྱུ་དང་འབྲས་བུ་མེད་དོ་ཞེས་ཟེར་བའི་སྡིག་པ་ཅན་དེ།
373a5 འཆི་འཕོ་བའི་དུས་བྱེད་པ་ན་གཉལ་བ་རེངས་ནས་མགོ་སྒྱུར་བར་མི་ནུས་ཏེ་ལྷ་མི་འདོད་ཅིང་སྨྲ་ཡང་མི་ནུས་ནས་ཁ་བུབ་ཏུ་འགྱེལ་ཏེ་འདི་སྙམ་དུ་བདག་གིས་བསགས་པའི་ནོར་དབྱིག་ཐམས་ཅད་བདག་དང་འགྲོགས་ན
373a6 ཅིམ་རུང་སྙམ་བསམ་པ་དང་། དམྱལ་སྲུངས་སྲིན་པོས་ཆུང་མའི་ལུས་སུ་བསྒྱུར་ཏེ། ལག་ན་ལྕགས་ཀྱི་ཐུ་ལུམ་འབར་བ་ཐོགས་པ་རིན་པོ་ཆེའི་སྣོད་ཡིད་བཞིན་ཞེས་བྱ་བར་སྤྲུལ་ཏེ་དྲུང་དུ་འདུག་ནས། འདི་སྐད་དུ་བདག
373a7 ཁྱོད་ཀྱི་ཕྱིན་འགྲོའོ་ཞེས་སྨྲས་ནས་ཤིན་ཏུ་ཆགས་པའི་ཚུལ་སྟོན་པ་དང་། དེ་ལ་དགའ་ནས་དབུགས་ཆད་དེ་ཚེ་འཕོས་པ་དང་། ལྕགས་མཁར་འབར་བ་དེའི་ནང་དུ་སྐྱེས་ཏེ་ཚེ་བས་རབ་ཏུ་གདུངས་ནས་ཕན་ཚུན་དུ་སྤྱུག
iiif viewer powered by OpenSeadragon
