| e-texts navigator |
| Wylie |
372b1 དེའི་ནོར་ཟས་ཀུན་བསྡུས་ནས་སྡིག་པ་ཅན་དེའི་དྲུང་དུ་བསྲེགས་པ་ལྟ་བུར་སྤྲུལ་པ་དང་། སྡིག་པ་ཅན་དེ་རབ་ཏུ་དགའ་བའི་སེམས་སྐྱེས་ནས་ལྡུགས་ཆད་དེ་ཚེ་འཕོས་སོ།། དེ་ནས་ལྕགས་ཀྱི་རི་མེ་འབར་བ་དེ་ལ་སྐྱེས་ནས།
372b2 ལྕགས་ཀྱི་ཁྲི་མོན་དུ་ལྕགས་ཁུ་བླུགས་པ་བཞིན་དུ་ཕྱིན་ནས་ལྕགས་ཁང་འབར་བའི་ནང་ན་ལྕགས་ཀྱི་སྲིན་བུས་ཟ་ཞིང་མཚོན་གྱི་ནགས་ཚལ་གྱིས་གཏུབ་ཅིང་འདྲལ་ལོ།། དུད་པ་ནག་པོ་དེ་འཁྲིགས་ཏེ་མིག་ཅི་ཡང
372b3 མི་མཐོང་ནས། མེ་དང་མཚོན་གྱིས་འཇིགས་ནས་མགོ་ལ་ལྕགས་ཀྱི་རི་ཁྱེར་བཞིན་དུ་ཕན་ཚུན་དུ་བརྒྱུག་ཅིང་སྣང་བ་ཚོལ་ལོ།། ལྕགས་ཀྱི་ཐུ་ལུམ་འབར་བ་སྤྱི་བོར་ཕོག་ནས་རྐང་མཐིལ་དུ་འབྱུང་སྟེ། སྐད་ཅིག་མ
372b4 ཙམ་གྱིས་ནི་འཆི། སྐད་ཅིག་མ་ཙམ་གྱིས་ནི་ཕྱིར་ཡང་འཚོའོ།། དེ་ལས་ཐར་ནས་ཀྱང་ཡི་དགས་ཀྱི་ཁམས་སུ་སྐྱེས་ཏེ། ལུས་ཆེ་ཞར་རིང་བ་ནི་དཔག་ཚད་བཅུའི་སྲིད་དོ།། ཁ་ནི་ཕྲ་ཁྱད་ཁབ་ཙམ་མོ།། ལྟོ་བ་ནི་ཆེ
372b5 ཁྱད་རི་རབ་ཙམ་སྟེ་ཟས་སུ་ནི་ལྕགས་ཁུ་འཐུང་ཞིང་ལོ་བརྒྱད་སྟོང་གི་བར་དུ་ཡི་དགས་ཆེན་པོ་དེའི་ལུས་སུ་གནས་སོ། ། དེ་ནས་ཀྱང་ཡི་དགས་ཀྱི་ཁམས་སུ་སྐྱེ་བ་བརྒྱུད་དེ་ངར་སྣབས་ཟ་བའི་ཡི་དགས་དང་།
372b6 རྣག་ཁྲག་ཟ་བའི་ཡི་དགས་དང་། བཤང་གཅི་ཟ་བའི་ཡི་དགས་སུ་སྐྱེའོ།། དེ་ལས་ཐར་ནས་ཀྱང་ཁྱི་དང་ཕག་གི་ལུས་སུ་སྐྱེའོ།། དེ་ལས་ཐར་ནས་ཀྱང་དབུལ་ཞིང་ཕོངས་པ་དང་། བྲན་ཁོལ་གྱི
372b7 རིས་སུ་སྐྱེས་ཏེ་ཟས་དང་ལོངས་སྤྱོད་ཀྱིས་རབ་ཏུ་ཕོངས་པར་འགྱུར་རོ། ། དེ་ནས་དགེ་བའི་བཤེས་གཉེན་དང་ཕྲད་དེ། གཟོད་བྱང་ཆུབ་ཏུ་སེམས་བསྐྱེད་པར་གྱུར་ཏོ།། བཅོམ་ལྡན་འདས
iiif viewer powered by OpenSeadragon
