| e-texts navigator |
| Wylie |
372a1 ལ་བཀའ་སྩལ་པ། དེ་ལ་ཇི་ལྟར་ན་ལྕགས་ཀྱི་ཁང་པའི་སེམས་ཅན་དམྱལ་བ་ཆེན་པོ་བཅོ་བརྒྱད་ཅེ་ན་ལྕགས་ཀྱི་ཁང་པའི་སེམས་ཅན་དམྱལ་བ་ཞེས་བྱ་བ་ནི། གཤིན་རྗེའི་འཇིག་རྟེན་དུ་སོང་བའི
372a2 ནང་ན་སྡུག་བསྔལ་གྱི་མཆོག་གོ། ། དེ་ལ་ལྕགས་ཀྱི་རི་ཆེན་པོ་གཅིག་ཡོད་དེ། ཆེ་ཁྱད་དཔག་ཚད་ཉི་ཤུ་རྩ་ལྔའོ།། རི་དེ་ལ་ལྕགས་ཀྱི་ཐུ་ལུམ་འབར་བ་ཁྲི་ཕྲག་ལྔ་བརྒྱ་ཡོད་དེ། ཐུ་ལུམ་དེ་དག་རེ་རེ་ལ་ཆེ་ཁྱད་དཔག་ཚད་བཅུ་གསུམ
372a3 མོ། ། གཞན་ཡང་རི་དེ་ལ་རལ་གྲིའི་སྡོང་པོ་དང་མཚོན་གྱི་ནགས་ཚལ་ཁྲི་ཕྲག་བརྒྱད་སྟོང་སྙེད་དོ།། ལྕགས་ཀྱི་རི་དེའི་ཤར་ཕྱོགས་ན་ལྕགས་ཀྱི་ཁྲི་མོན་རིང་པོ་ཡུལ་མཉམ་དཀའི་པྲེ་ཀ་ཙམ་ཅིག་ཡོད་དེ། དེའི་ནང་ནས་དུས
372a4 པ་ནག་པོ་དྲི་མི་ཞིམ་པ་བསམ་གྱིས་མི་ཁྱབ་པ་བྱུང་ངོ་། ། འཇིག་རྟེན་ན་གང་ཟག་དུག་གསུམ་གྱི་དབང་གྱུར་པ་སེར་སྣས་ཡོངས་སུ་བཅིངས་པ་འདོད་ཅིང་ཆགས་པའི་སེམས་རྡོ་བས་སྲ་བ། རྟག་ཏུ་གཡོ་དང་སྒྱུས་འཚོ
372a5 ཞིང་གཞན་ལ་འཚེ་བ་དང་། སེམས་ཅན་མང་པོའི་སྲོག་བཅད་པ་དང་། སེམས་ཅན་མི་རྟག་པ་ལ་མི་སེམས་ཤིང་ནོར་ཟས་ཀྱི་དངོས་པོ་ལ་ཤིན་ཏུ་འཕངས་པར་འཛིན་པ། ཕ་མ་དང་སློབ་དཔོན་དང་བཤེས་གཉེན་དང་བུ་དང
372a6 ཆུང་མ་དང་འཁོར་ལ་ཡང་སྦྱིན་པ་ཡོངས་སུ་མི་གཏོང་བ་དགེ་བའི་རྩ་བ་ཡོངས་སུ་བཅད་པ་དག་འཆི་བའི་དུས་བྱེད་པ་ན་དབང་པོ་ཀུན་ཉམས་ཏེ་སྨྲ་ཡང་མི་ཤེས་ནས། ཡིད་ལ་འདི་སྙམ་དུ་བདག་ཤི་བའི་འོག་ཏུ་བདག་གི་ཟས
372a7 དང་ནོར་ལ་སྤྱོད་པ་འདི་དག་ལྕགས་ཀྱི་ཐུ་ལུམ་འབར་བར་གྱུར་ཅིག། ངའི་ཁྱིམ་ན་འདུག་པ་འདི་དག་མུན་ནག་ཏུ་གྱུར་ཅིག་ཅེས་སྨྲས་སམ་བསམས་མ་ཐག་ཏུ། སྲུངས་མ་སྲིན་པོས་སེར་སན་ཅན་ཞིག་གི་ལུས་སུ་སྤྲུལ་ཏེ།
iiif viewer powered by OpenSeadragon
