| e-texts navigator |
| Wylie |
371a1 བར་སྐྱེས་ཏེ་ལྕགས་འཁྲུལ་འཁོར་འབར་བ་ཁྲི་ཕྲག་བརྒྱ་སྟོང་སྙེད་ལྷ་འོག་ནས་འཕེན་ཞིང་དུས་གཅིག་ཏུ་འཁྲུལ་ཞིང་གཡོས་སོ། ། དེ་ལས་ལྕགས་ཀྱི་གཞུ་གྲངས་མེད་པ
371a2 ལས་ལྕགས་ཚན་གྱི་མདའ་གྲངས་མེད་པ་ཞིག་སྡིག་པ་ཅན་གྱི་སྙིང་ལ་ཕོག་ནས་རབ་ཏུ་སྡུག་བསྔལ་བར་གྱུར་ཏོ། ། དེ་ལྟ་བུར་ཉིན་ཞག་གཅིག་ལ་ལན་ཁྲི་ཕྲག་དྲུག་བརྒྱ་ནི་འཆི། ལན་ཁྲི་ཕྲག
371a3 དྲུག་བརྒྱ་ནི་འཚེའོ། ། དེ་ལས་ཐར་ནས་ཀྱང་སྐྱེ་བ་ལྔ་བརྒྱའི་བར་དུ་བྱོལ་སོང་གི་ཁམས་སུ་སྐྱེའོ།། དེ་ལས་ཐར་ཏེ་མིར་སྐྱེས་ན་ཡང་དབུལ་ཞིང་ཕོངས་པ་དང་། རིགས་ངན་པར་སྐྱེས་ཏེ། རྟག་ཏུ
371a4 གཞན་གྱིས་བཀོལ་བ་དང་། ། དགྲ་སྡང་བས་ཟིན་ཅིང་བཙོན་ཆས་དམ་པོར་འཛུད་པ་དང་རྟག་ཏུ་བརྡེག་ཅིང་འཚེག་པར་འགྱུར་རོ།། དེ་ནས་གཟོད་དགེ་བའི་བཤེས་གཉེན་དང
371a5 ཕྲད་ནས་བྱང་ཆུབ་ཏུ་སེམས་བསྐྱེད་པར་འགྱུར་རོ། ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ།། དེ་ལ་ཇི་ལྟར་ན་ལྕགས་ཀྱི་དྲ་བའི་སེམས་ཅན་དམྱལ་བ་ཞེ་ན། ལྕགས་ཀྱི་དྲ་བའི
371a6 སེམས་ཅན་དམྱལ་བ་ཞེས་བྱ་བ་ནི། དམྱལ་བ་ཆེན་པོའི་གནས་དེ་ཉིད་ན། ལྕགས་ཚན་འབར་བའི་དྲ་བ་རིམ་པ་བརྒྱད་ཅུ་རྩ་དགུ་སྙེད་ཡོད་དོ།། དྲ་བ་དེ་རེ་རེའི་བར་དང་མིག་ན་ཁབ་དཔལ་མ་ཁྲི་ཕྲག
371a7 བརྒྱ་སྟོང་སྙེད་ཡོད་དེ། ཁབ་དེ་དག་ཀུན་གྱི་རྩེ་མོ་ལ་ལྕགས་ཀྱི་འཁྲུལ་འཁོར་འབར་བ་གྲངས་མེད་པ་འཁྲུལ་ཞིང་རབ་ཏུ་འབར་རོ།། དེ་དག་འཇིག་རྟེན་སེམས་ཅན་གང་དཀོན་གསུམ་ལ་སྨོད་ཅིང་ལོག
iiif viewer powered by OpenSeadragon
