| e-texts navigator |
| Wylie |
353a1 མནར་མེད་པའི་ཉིན་ཞག་གཅིག་ལ་ནི་འཛམ་བུའི་གླིང་གི་ལོ་དང་ཟླ་བ་དང་། ཞག་དང་ཉི་མས་བགྲང་བའི་བསྐལ་པ་ཆུང་ངུ་དྲུག་ཅུ་སྙེད་དེ། དེའི་ཚེའི་ཚད་ནི་བསྐལ་པ་ཆེན་པོ་གཅིག་གོ།
353a2 མཚམས་མེད་པ་ལྔ་བྱས་པའི་གང་ཟག་སྡིག་པ་ཅན་དེ་དག་འཆི་འཕོ་བའི་དུས་བྱེད་པ་ན། རླུང་གི་མཚོན་ཆ་འབར་བ་ལྕགས་ཀྱི་ཤིང་རྟ་དང་དྲ་བ་བཅོ་བརྒྱད་ཀྱིས་ལུས་གཏུབ་གཤག་ཏེ། མེ་རབ་ཏུ་ཚ་བས་སྙིང་ལ
353a3 གདུངས་པས་འདི་སྙམ་དུ་བདག་མེ་ཏོག་སྣ་ཚོགས་དང་ལྡན་པའི་བསིལ་གྲིབ་ཅན་གྱི་ཤིང་ཆེན་པོ་ཞིག་གི་འོག་ན་རྩེ་ན་རེ་དགའ་སྙམ་བསམས་པ་དང་། དེ་མ་ཐག་ཏུ་མནར་མེད་པའི་སེམས་ཅན་དམྱལ་བའི་མཚོ
353a4 གྱི་ནགས་ཚལ་ཐམས་ཅད་རིན་པོ་ཆེའི་ནགས་ཚལ་ལོ་མ་དང་། མེ་ཏོག་དང་། འབྲས་བུ་རྒྱས་པ་ལྷ་བུར་སྤྲུལ་པ་རབ་ཏུ་དཀྲིགས་པར་གྱུར་ཏེ། མེ་ལྕེ་ཐམས་ཅད་ནི་ཤིང་རྩ་ནས་པདྨོ་ལྟ་བུར་སྤྲུལ་ཏེ་སྤྲོ་བ
353a5 བསྐྱེད་པ་དང་། སྡིག་པ་ཅན་དེས་མཐོང་བ་དང་བདག་གི་ཡིད་ལ་འདོད་པ་དང་ཕྲད་དོ་སྙམས་བསམས་ནས། བུ་ཡུག་དྲག་པོ་བས་ཀྱང་མགྱོགས་པར་མེའི་པདྨོའི་སྟེང་དུ་འདུག་པར་གྱུར་པ་དང་། དེ་མཐག
353a6 ཏུ་ལྕགས་ཀྱི་སྲིན་བུ་རྣམས་ཀྱང་མེའི་ནང་ནས་བྱུང་སྟེ། རུས་པ་དང་། རྐང་གི་ནང་དུ་ཐལ་བྱུང་དུ་སོང་ནས། སྙིང་དང་གླད་པའི་ནང་དུ་ཡང་ཐལ་བྱུང་དུ་སོང་ངོ་།། འཕོངས་ནས་ཤིང་ལ་འཇུས་ཏེ
353a7 འཛེགས་པ་དང་། ཐམས་ཅད་རལ་གྲི་འབར་བར་གྱུར་ཏེ་ཡན་ལག་དང་རུས་པ་ཀུན་དུམ་བུར་ཆད་དེ། རལ་གྲིའི་འཁོར་ལོ་གྲངས་མེད་པ་སྙེད་ཀྱང་སྟེང་ནས་འབབ་བོ།། མེའི་ཤིང་རྟ་དང་། ལྕགས་ཚན
iiif viewer powered by OpenSeadragon
