| e-texts navigator |
| Wylie |
352b1 ལས་བསྐུམ་པ་ཙམ་གྱི་སྲིད་དུ། མནར་མེད་པའི་སེམས་ཅན་དམྱལ་བ་ཆེན་པོར་ལྷུང་ངོ་།། བར་ཆད་ལྷག་མ་ནས་མེ་མགལ་བསྐོར་བའི་འཁོར་ལོ་བཞིན་བར་ཆད་ནང་གི་འོག་མར་ཕྱིན་ཏེ། བར་ཆད་ཀུན་ཏུ
352b2 ལུས་ཀྱིས་ཡོངས་སུ་གང་ངོ་། ། ཟངས་ཀྱི་ཁྱིས་སྐད་ཆེན་པོ་ཕྱུང་ནས། རུས་པ་འཆའ་ཞིང་རྐང་འཇིབ་བོ།། སྲུངས་མ་སྲིན་པོས་ནི་ལག་ན་མདུང་རྩེ་ཁ་བྲག་པ་ཐོགས་ནས་མགོ་ལ་བཙུགས་ཏེ་ཕྱིར
352b3 བསླང་ངོ་། ། དེ་ཉིད་དུ་ལུས་ཀུན་ནས་མེ་འབར། མནར་མེད་པའི་སེམས་ཅན་དམྱལ་བར་ཡོངས་སུ་གང་ངོ་།། ལྕགས་ཀྱི་དྲ་བ་ལས་རལ་གྲི་འབར་བ་ཆར་བཞིན་དུ་འབབ་སྟེ། ཁུས་ཀྱི་བ་སྤུའི་བུ་ག
352b4 ཀུན་དུ་ཟུག་གོ། ། དེའི་ཚེ་སྤྲུལ་པའི་གཤིན་རྗེ་འོངས་ནས་སྐད་ཆེན་པོས་འདི་སྐད་ཅེས་སྨྲའོ།། གླེན་པ་གཏི་མུག་ཅན་དམྱལ་བའི་ས་བོན་ཁྱོད་སངས་རྒྱས་དང་ཆོས་དང་སློབ་དཔོན་དང་ཕ་མ་ལ་སྲི
352b5 ནུ་མ་བྱས་ཏེ། ང་རྒྱལ་གྱིས་ཆོས་ལོག་པ་སྤྱད་པས་ཁྱོད་ཀྱིས་སྐྱེ་བའི་གནས་འདི་ནི་མནར་མེད་པའི་སེམས་ཅན་དམྱལ་བ་ཆེན་པོ་ཞེས་བྱའོ།། ཁྱེད་བྱས་པ་མི་ཤེས་ཤིང་དྲིན་དུ་མི་གཟོ་བས།། ངོ་ཚ་བ
352b6 དང་ཁྲེལ་དང་གཞུང་མེད་པས་འདི་ལྟར་སྡུག་བསྔལ་གྱིས་གདུངས་པར་གྱུར་པ་འདི་ལ་ད་བདེ་བ་ཅི་ཡོད་ཅེས་སྨྲས་ནས་མི་སྣང་བར་གྱུར་ཏོ། ། དེའི་ཚེ་ན་དམྱལ་བའི་སྲུངས་མས་སྡིག་པ་ཅན་དེ་བར་ཆད
352b7 འོག་མ་ནས་བར་ཆད་ལྷག་མའི་བར་དུ་བར་ཆད་བརྒྱད་ཁྲི་བཞི་སྟོང་སྙེད་ཀུན་ཏུ་འདས་ནས། ཀུན་ལ་ལུས་ཀྱིས་འགྲོ་ཞིང་འགྲོ་སྟེ། ལྕགས་ཀྱི་དྲ་བའི་མཐར་ཕྱིན་ཏོ།། ཉིན་ཞག་གཅིག་གིས་ལན་རེ་འཁོར་རོ།།
iiif viewer powered by OpenSeadragon
