| e-texts navigator |
| Wylie |
352a1 མནར་མེད་པའི་སེམས་ཅན་དམྱལ་བར་ཡོངས་སུ་གང་ངོ་། ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། རིགས་ཀྱི་བུ་སེམས་ཅན་གང་སློབ་དཔོན་དང་། ཕ་མ་བསད
352a2 བ་དང་། གཉེན་གྱི་དྲུག་བརྒྱུད་ལ་སྤྱོ་ཞིང་སྤོང་པ་དང་། གཤེ་ཞིང་བརྒྱད་པ་དང་། སེམས་ཅན་ཉོན་མོངས་པ་རྣམས་ལ་སྙིང་མི་བརྩེ་བ་དང་། གཡོ་སྒྱུས་ལོག་པར་འཚོ་བ་དང་། སེམས་ཅན་མང
352a3 པོའི་སྲོག་བཅད་པ་དང་། མི་དགེ་བ་བཅུ་དང་། མཚམས་མེད་པའི་ལས་བྱས་པ་དག། འཆི་འཕོའི་དུས་བྱེད་པ་ན་ལྕགས་ཀྱི་ཁྱི་རྣམས་ཁ་གདངས་པ་གསེར་ལྟ་བུའི་ཤིང་རྟ་བཅོ་བརྒྱད་དུ་སྤྲུལ་པ་ལ། སྟེང
352a4 ཡང་རིན་པོ་ཆེའི་གདུགས་བྲེས་པ་ལྷར་སྤྲུལ་ཏེ། མེ་ལྕེ་ཐམས་ཅད་ཀྱང་བུ་མོ་གཞོན་ནུར་སྤྲུལ་ནས། སྤྲོ་བ་སྐྱོད་པར་གྱུར་ཏོ།། སྡིག་པ་ཅན་དེས་རྒྱང་ནས་མཐོང་བ་དང་རབ་ཏུ་དགའ་བའི་སེམས་བསྐྱེད་དེ།
352a5 བདག་དེར་འགྲོ་ན་རེ་དགའ་སྙམ་ནས། བདག་དེར་འགྲོའོ་ཞེས་སྨྲས་པ་དང་། དེ་མ་ཐག་ཏུ་རླུང་གི་མཐུས་རབ་ཏུ་གྲང་བར་གྱུར་ཏེ། སྐད་ཆེན་པོ་ཕྱུང་ནས་མེ་ཚ་བ་ཞིག་དང་ཕྲད་ན་ཅི་མ་རུང་སྐམ
352a6 བསམས་ཏེ་བརྗོད་ནས། ཤིང་རྟ་དེའི་སྟེང་ན་འདུག་ཅིང་། མེ་ཚ་བ་ཞིག་དང་ཕྲད་ན་རེ་དགའ་སྙམ་བསམས་པ་དང་། དེ་མ་ཐག་ཏུ་ཉམ་ཐག་ནས་ཚེ་འཕོས་ཏེ། གསེར་གྱི་ཤིང་རྟ་འབར་བའི་སྟེང
352a7 ན་འདུག་ཅིང་། བུ་མོ་གཞོན་ནུ་རྣམས་ཀྱང་ལག་ན་སྟ་རེ་རྣོན་པོ་རེ་རེ་ཐོགས་ཤིང་ལུས་ལ་གཅོད་ཅིང་གཤགས་པ། ཤིང་རྟའི་འོག་ནས་མེ་རབ་ཏུ་འབར་ཏེ། དཔེར་ན་སྟོབས་པོ་ཆེ་ཞིག་ལག་ངར་བརྐྱང་བ
iiif viewer powered by OpenSeadragon
