| e-texts navigator |
| Wylie |
351b1 དེ། སྒོའི་ཐེམ་པ་ན་ཕངས་ཚན་འབར་བ་བརྒྱད་ཅུ་བརྒྱད་ཅུ་སྙེད་ཡོད་དོ།། ཕངས་ཀྱི་ནང་ནས་ལྕགས་ཚན་གྱི་ཁུ་བ་ལུད་ཅིང་འབོ་སྟེ། མནར་མེད་པའི་སེམས་ཅན་དམྱལ་བ་ལ་ཡོངས་སུ
351b2 གང་ངོ་། ། བར་ཆད་དེ་རེ་རེ་ན་ཡང་ལྕགས་ཀྱི་སྦྲུལ་ཆེན་པོ་བརྒྱད་ཁྲི་བཞི་སྟོང་སྙེད་ཡོད་དེ། ཁ་ནས་གདུག་པ་དང་མེ་འབྱིན་ཏོ།། སྦྲུལ་གདུག་པ་ཅན་དེས་སེམས་ཅན་དམྱལ་བའི་ལུས་ལ
351b3 ཡོངས་སུ་གང་སྟེ། སྐད་འབྱིན་པ་ན་འབྲུག་ལྟར་སྐད་རབ་ཏུ་ཆེ་བ་སྒྲོགས་ཤིང་ལྕགས་ཀྱི་ཐུ་ལུམ་ཡང་ཆར་བཞིན་དུ་འབེབས་པས། མནར་མེད་པའི་སེམས་ཅན་དམྱལ་བར་ཡོངས་སུ་གང་ངོ་།།
351b4 སེམས་ཅན་དམྱལ་བའི་སྡུག་བསྔལ་འདི་ནི་སྡུག་བསྔལ་འབུམ་ཕྲག་བརྒྱད་ཁྲི་སྙེད་ཀུན་འདི་ན་ཚང་བར་ཡོད་དོ།། སེམས་ཅན་དམྱལ་བའི་གནས་དེ་ན་ལྕགས་ཀྱི་སྲིན་བུ་ཁྲི་ཕྲག་ལྔ་བརྒྱད་སྙེད་ཡོད་དེ།
351b5 སྲིན་བུ་གཅིག་ལ་ཡང་ཁ་བརྒྱད་ཁྲི་བཞི་སྟོང་སྙེད་དོ།། དེའི་ཁ་ནས་མེ་ཆར་བཞིན་དུ་འབེབས་པས། མནར་མེད་པའི་སེམས་ཅན་དམྱལ་བར་ཡོངས་སུ་གང་ངོ་།། སྲིན་བུ་ཆེན་པོ་དེ་ཆར་བཞིན
351b6 དུ་བབས་པའི་ཚེ་ན། མནར་མེད་པའི་སེམས་ཅན་དམྱལ་བའི་མེ་ཡང་རབ་ཏུ་ཆེར་འབར་ཏེ། མེའི་འོད་ཀྱིས་དཔག་ཚད་བརྒྱད་ཁྲི་བཞི་སྟོང་སྙེད་ཁོ་ར་ཁོར་ཡུག་ཀུན་སྣང་བར་བྱེད་དོ།། མི་དེས
351b7 མནར་མེད་པའི་སེམས་ཅན་དམྱལ་བ་ནས། རྒྱ་མཚོ་དང་རི་རབ་ཏུ་གདུངས་པ་ཞེས་བྱ་བ་ལ་ཐུག་གོ།། རྒྱ་མཚོའི་གཏིང་ནས་ཀྱང་ཞིང་རྟའི་སྲོག་ཤིང་ཙམ་གྱི་ལྕགས་ཀྱི་སྨང་དུ་གྱུར་ནས
iiif viewer powered by OpenSeadragon
