| e-texts navigator |
| Wylie |
351a1 མཆེ་བ་དེའི་ཐོག་མ་ལ་མེ་རབ་ཏུ་འབྲར་ཞིང་། ལྕགས་ཀྱི་ཤིང་རྟ་ཡང་འབར་བར་བྱེད་དོ།། ལྕགས་ཀྱི་ཤིང་རྟ་དེའི་འཁོར་ཟེ་རེ་ལ་ཡང་དེ་ལྟར་འབར་བའི་མཚོན་གྱི་འཁོར་ལོ་དང་།
351a2 རལ་གྲིའི་འཁོར་ལོ་རབ་ཏུ་རྣོ་བ་དག་འབྱུང་ངོ་།། མེ་དེ་སྙེད་ཀྱིས་མནར་མེད་པའི་སེམས་ཅན་དམྱལ་བ་བསྲེགས་ཏོ།། མནར་མེད་པའི་སེམས་ཅན་དམྱལ་བ་ཡོངས་སུ་གདུངས་སོ།། དམྱལ་བའི་སྲུངས
351a3 མའི་མགོ་ལ་གླང་གི་མགོ་བརྒྱད་ཡོད་དེ། གླང་གི་མགོ་གཅིག་ལ་ཡང་རཱ་བཅོ་བརྒྱད་ཡོད་དོ།། རྭའི་རྩེ་མོ་དེ་རེ་རེ་ལ་ཡང་མེའི་ཕུང་པོ་རེ་རེ་བྱུང་ངོ་།། མེའི་ཕུང་པོ་དེ་རེ་རེ་ལ་ཡང་མེའི་དྲ་བ་བར
351a4 ཆད་བཅོ་བརྒྱད་དུ་གྱུར་ནས། ཤིང་རྟའི་འཁོར་ལོ་ཙམ་གྱི་མེའི་རལ་གྲིའི་འཁོར་ལོར་གྱུར་ཏོ།། འཁོར་ལོ་དེ་འདབ་ཆགས་སུ་མེ་འབར་བའི་ནང་ནས་དཀྲིགས་ཏེ། མནར་མེད་པའི་སེམས་ཅན
351a5 དམྱལ་བ་གཤེགས་ཅིང་སྲེག་གོ། ། ལྕགས་ཀྱི་ཁྱི་རྣམས་ཁ་གདངས་ཤིང་ལྕེ་ལྕགས་ཀྱི་གཟེ་མ་དང་འདྲ་བ་ཕྱུང་ནས་ས་ལ་ཕབ་པའི་ཚེ། གདུག་པའི་ལྕེ་མེ་འབར་བ་གྲངས་མེད་པར་གྱུར་ནས།
351a6 མནར་མེད་པའི་སེམས་ཅན་དམྱལ་བ་ལ་ཡོངས་སུ་གང་ངོ་།། ལྕགས་ཀྱི་མཁར་རིམ་པ་བདུན་གྱི་བར་ན་ལྕགས་ཀྱི་རྒྱལ་མཚན་འབར་བ་གྲངས་མེད་པ་ཡོད་དོ།། རྒྱལ་མཚན་གྱི་རྩེ་མོ་ནས
351a7 ལྕགས་ཚན་གྱི་ཁུ་བ་ལུད་ཅིང་། ཆུ་མིག་དྲག་པོ་ལྟར་འབབ་སྟེ། མནར་མེད་པའི་སེམས་ཅན་དམྱལ་བ་ལ་ཡོངས་སུ་གང་ངོ་།། མནར་མེད་པའི་སེམས་ཅན་དམྱལ་བ་ལ་སྒོ་བཞི་ཡོད།
iiif viewer powered by OpenSeadragon
