| e-texts navigator |
| Wylie |
350a1 ལྕགས་ཀྱི་སྡོང་པོའི་སེམས་ཅན་དམྱལ་བ་ཁྲི་ཕྲག་ལྔ་བརྒྱ་དང་། ལྕགས་ཀྱི་ཐག་ཟུངས་ཀྱི་སེམས་ཅན་དམྱལ་བ་ཁྲི་ཕྲག་ལྔ་བརྒྱ་དང་། ལྕགས་ཀྱི་དྲ་བའི་སེམས་ཅན་དམྱལ
350a2 བ་ཁྲི་ཕྲག་ལྔ་བརྒྱ་དང་། ལྕགས་ཀྱི་ཁང་པའི་སེམས་ཅན་དམྱལ་བ་ཆེན་པོ་བཅོ་བརྒྱད་དང་། ལྕགས་ཀྱི་ཐུ་ལུམ་གྱི་སེམས་ཅན་དམྱལ་བ་ཆེན་པོ་བཅོ་བརྒྱད་དང་། རྡོ་ཟུར་མང་གི་སེམས་ཅན་དམྱལ
350a3 བ་ཆེན་པོ་བཅོ་བརྒྱད་དང་། ལྕགས་ཁུ་འཐུང་བའི་སེམས་ཅན་དམྱལ་བ་ཆེན་པོ་བཅོ་བརྒྱད་དང་། དེ་དག་ལ་སོགས་པ་སེམས་ཅན་དམྱལ་བ་མང་པོ་དག་ཡོད་པར་གྱུར་ཏོ།། བཅོམ་ལྡན་འདས
350a4 ཀྱིས་དགའ་བོ་ལ་བཀའ་སྩལ་པ། དེ་ལ་ཇི་ལྟར་ན་མནར་མེད་པའི་སེམས་ཅན་དམྱལ་བ་ཞེ་ན། མནར་མེད་པའི་ཚེ་གྲང་གིས་གདུངས་པ་དང་མགོན་དང་། སྐྱབས་མེད་པའི་སྒྲ་སྐད་དུ་ནི།
350a5 ཨ་བྱི་ཞེས་འདོན་ཏོ།། ཨ་ཞེས་བྱ་བ་ནི་མེད་པའོ།། བྱི་ནི་མཚམས་སོ།། ཨ་ཞེས་བྱ་བ་ནི་མེད་པའོ།། བྱི་ནི་སྐྱབས་སོ།། ཨ་ཞེས་བྱ་བ་ནི་མཚམས་མེད་པའོ།། བྱི་ནི་མི་གཡོ་འོ།།
350a6 ཨ་ཞེས་བྱ་བ་ནི་རབ་ཏུ་ཚ་བའོ།། བྱི་ནི་རབ་ཏུ་གདུང་བའོ།། ཨ་ཞེས་བྱ་བ་ནི་རབ་ཏུ་གྲང་བའོ།། བྱི་ནི་རབ་ཏུ་གདུང་བའོ།། ཨ་ཞེས་པ་ནི་མི་དལ་བའོ།། བྱི་ནི་མི་སྡོད་པའོ།། སྡུག་བསྔལ
350a7 ཆེན་པོ་ལས་མི་དལ་མི་སྡོད་པའི་ཕྱིར་ན་མནར་མེད་པ་ཞེས་བྱའོ། ། ཨ་ཞེས་པ་ནི་མེ་ཆེན་པོའོ།། བྱི་ནི་རབ་ཏུ་ཚ་བའོ།། རབ་ཏུ་ཚ་བའི་མེ་འབར་བས་སྙིང་ལ་གདུངས་པས་མནར་མེད་པའི
iiif viewer powered by OpenSeadragon
