| e-texts navigator |
| Wylie |
349a1 མང་པོ་ཐམས་ཅད་ཀྱིས་སངས་རྒྱས་རྣམས་མཐོང་བར་གྱུར་ཏེ། ལ་ལས་ནི་སངས་རྒྱས་ཀྱི་སྐུ་ནམ་མཁའི་ཚད་དང་མཉམ་པ་གསེར་གྱི་ཁ་དོག་ཅན་དུ་མཐོང་ངོ་།།
349a2 ལ་ལས་ནི་སྐུ་རི་རབ་ལྷུན་པོ་དང་འདྲ་བ་རིན་པོ་ཆེ་སྣ་བཞི་ལས་བྱས་པར་མཐོང་ངོ་།། ལ་ལས་ནི་སངས་རྒྱས་ཀྱི་སྐུ་བཻ་ཌཱུཪྻའི་ཁ་དོག་ལྟ་བུ་ལ་ཚད་ཀྱང་མཐོ་བརྒྱ་པར་མཐོང་ངོ་།། ལ་ལས་ནི་སངས
349a3 རྒྱས་ཀྱི་སྐུ་དངུལ་གྱི་ཁ་དོག་ལྟ་བུ་ལ་ཁྲུ་བརྒྱད་སྟོང་སྙེད་དུ་རིང་བར་མཐོང་ངོ་། ། ལ་ལས་ནི་སྐུ་དུང་གི་མདོག་གམ་ཟླ་བ་དྲི་མ་མེད་པ་ལྟ་བུ་ལ་སྐུ་ཆག་བཞི་བཅུ་རྩ་དགུ་པར་མཐོང་ངོ་།། སངས
349a4 རྒྱས་ཤཱཀྱ་ཐུབ་པའི་སྐུ་ནི་ཚད་བཞིན་དུ་མཐོ་བཅུ་དྲུག་པར་མཐོང་ངོ་། ། ལ་ལས་ནི་མཐོ་བདུན་པར་མཐོང་ངོ་།། ལ་ལས་ནི་མཐོ་གསུམ་པས་ཚངས་པའི་འཇིག་རྟེན་ལ་ཐུག་གི་བར་དུ་ཡོངས་སུ་གང
349a5 བབར་མཐོང་ངོ་། ། ལ་ལས་ནི་སོར་བདུན་པས་འཇིག་རྟེན་གང་བར་མཐོང་ངོ་།། དེ་དག་ཀུན་ཀྱང་འོད་ཟེར་དང་མཚན་དང་། དཔེ་བྱད་ཀྱིས་ཡོངས་སུ་བརྒྱན་པའོ།། ལ་ལས་ནི་ཡུངས་ཀར་གྱི་འབྲུམ
349a6 བུ་ཙམ་དུ་མཐོང་ངོ་། ། ལ་ལས་ནི་གསེར་གྱི་ཁྲེའི་འབྲས་བུ་ཙམ་དུ་མཐོང་ངོ་།། ཡི་དགས་རྣམས་ཀྱིས་ནི་རྡུལ་ཕྲ་མོ་ཙམ་དུ་མཐོང་སྟེ། ཡི་དགས་རྣམས་ཀྱིས་དེ་ལྟ་བུར་མཐོང་བ་དང་། ཡི་དགས
349a7 ལུས་ཆུང་ངུ་མ་རྣམས་རབ་ཏུ་དགའ་བར་གྱུར་ཏོ། ། མཚན་དང་དཔེ་བྱད་བཟངས་པོ་རྗེས་སུ་དྲན་པ་རྟོགས་པའི་ལེའུ་བཞི་པའོ།། །། སངས་རྒྱས་རྗེས་སུ་དྲན་པའི་ཏིང་ངེ་འཛིན
iiif viewer powered by OpenSeadragon
