| e-texts navigator |
| Wylie |
348b1 བརྩེགས་པ་གྲངས་མེད་པ་དེ་དག་ལས་ཀྱང་གསེར་གྱི་བདོག་ལྟ་བུའི་འོད་གྲངས་མེད་པ་སྙེད་འབྱུང་སྟེ། རྒྱས་པར་བཤད་དུ་བདེ་བར་མི་ནུས་སོ།། འོད་དེ་དག་རེ་རེའི་ནང་ན་ཡང་སྤྲུལ
348b2 སངས་རྒྱས་གྲངས་གོང་དུ་སྨོས་པ་བཞིན་དུ་བཞུགས་སོ། ། སྤྲུལ་པའི་སངས་རྒྱས་དེ་དག་ཐམས་ཅད་ཀྱིས་ཀྱང་ལྷག་ཆེ་ཞིང་རིང་བའི་མཚན་ཕྱུང་ནས་དབུ་འདབ་ལ་ཐུག་གི་བར་དུ་ཡོག་སྟེ།
348b3 འོད་རབ་ཏུ་འགྱེད་དོ།། སངས་རྒྱས་ཀྱི་ལྗགས་དེ་རེ་རེ་ལ་ཡང་འོད་ཟེར་ཁྲི་ཕྲག་བཅུ་སྙེད་དོ།། འོད་ཟེར་དེ་དག་ཀྱང་སྤྱིར་ཚོམ་བུ་རྣམ་པ་སྟོང་ཕྲག་བཅུར་གྱུར་ནས། འོད་ཟེར་དེ་རེ་རེ་ལ་ཡང་སྤྲུལ
348b4 བའི་སངས་རྒྱས་འབུམ་ཕྲག་བརྒྱ་སྙེད་སྐྱིལ་མོ་ཀྲུང་བཅས་ཏེ་བཞུགས་ནས། སྐུ་ཀུན་ཏུ་ཁྱབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཕྱོགས་བཅུའི་སངས་རྒྱས་རྣམས
348b5 ཀྱི་སྐུའི་གཟུགས་དམ་པ་ཡང་ཏིང་ངེ་འཛིན་གྱི་རྒྱ་མཚོ་འདིར་སྣང་བར་གྱུར་ཏོ། ། བཅོམ་ལྡན་འདས་ཏིང་ངེ་འཛིན་འདི་ལ་སྙོམས་པར་ཞུགས་པའི་ཚེ་ན། གྲོང་ཁྱེར་སེར་སྐྱ་དང་། ནྱ་ཀྲོ་དྷའི
348b6 གཞལ་མེད་ཁང་དང་། འཛམ་བུ་གླིང་འདི་རིན་པོ་ཆེའི་པདྨོའི་ལྟ་བུར་གྱུར་ཏོ།། པདྨོའི་ཁབ་པ་བརྩེགས་པར་གྱུར་པའི་སྟེང་ན་ཤེར་གྱི་རྒྱལ་མཚན་ཆེན་པོ་ཡོད་དོ།། ཤེལ་གྱི་རྒྱལ
348b7 མཚན་གྱི་དབུ་རྩེ་ལ་ཤེལ་གྱི་མེ་ལོང་ཡོད་དོ། ། ཕྱོགས་བཅུའི་འཇིག་རྟེན་གྱི་ཁམས་ཚད་མེད་པ་སྙེད་ཀྱི་སངས་རྒྱས་ཀྱི་ཞིང་ཡོངས་སུ་དག་པ་ཐམས་ཅད་ཀྱང་དེར་སྣང་བར་གྱུར་ཏོ།། དེའི་ཚེ་འཁོར
iiif viewer powered by OpenSeadragon
