| e-texts navigator |
| Wylie |
348a1 ཞེས་གསོལ་པ་དང་། དེའི་ཚེ་བཅོམ་ལྡན་འདས་ཀྱིས་ཞལ་འཛུམ་པ་མཛད་དེ། ལྗགས་ཀྱི་མཚན་གྱི་འོད་ཟེར་ཡང་སྔར་བཤད་པ་བཞིན་དུ་སངས་རྒྱས་ལ་ལན་བདུན་བསྐོར
348a2 ནས་སངས་རྒྱས་ཀྱི་གཙུག་ཏུ་ནུབ་བོ། ། དེའི་ཚེ་དེ་བཞིན་གཤེགས་པ་རྣམ་པར་གྲོལ་བའི་མཚག་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། རྒྱལ་པོ་ཡབ་ཀྱིས་དེ་ལྟ་བུར་མཐོང་བར་བྱས
348a3 སོ། ། བཻ་ཌཱུཪྻའི་སྦུབས་སུ་གསེར་བཙོ་མ་གཟུགས་མཛེས་པ་གཞག་པ་ལྟར་ཤིན་ཏུ་མཛེས་པར་སྣང་བར་བྱས་ཏེ། དེ་ལྟར་དེ་བཞིན་གཤེགས་པའི་སྐུ་མཛེས་པ་གསེར་བཙོ་མ་ལྟ་བུའི་ཐུགས་ཀ་ནས
348a4 མགུར་དུ་བཻ་ཌཱུཪྻའི་སྦུབས་ནས་ཟིལ་དངར་གྱི་རོ་དང་འོད་ཟེར་རྒྱུ་ཞིང་འབབ་ཏེ། དེ་བཞིན་གཤེགས་པའི་ཐུགས་པདྨོ་ལེ་བརྒན་ལྷ་བུ་ལ་གསེར་གྱི་པདྨོས་ཤིན་ཏུ་བརྒྱན་པར་མཐོང་ངོ་།། ཐུགས
348a5 པདྨོ་ལེ་བརྒན་ལྷ་བུ་ད་པདྨོ་ཁ་བྱེ་བ་ཡང་མ་ཡིན་ཏེ། དཔལ་གྱི་བེའུ་ལྟ་བུ་ལ་རྩ་བརྒྱད་ཁྲི་བཞི་སྟོང་སྙེད་ཡོད་དེ། རྩ་དེའི་རི་མོ་ཡང་ལྷའི་རི་མོ་ལྷ་བུ་དང་གཡུང་དྲུང་འཁྱིལ་བ་ལྟ་བུ་སྟེ། རི་མོའི
348a6 བར་མཚམས་ཀུན་ན་འོད་ཟེར་བརྒྱད་ཁྲི་བཞི་སྟོང་བཞི་སྟོང་སྙེད་ཡོད་དོ། ། འོད་ཟེར་དེ་རེ་རེ་ལ་ཡང་ཁ་དོག་བརྒྱད་ཁྲི་བཞི་སྟོང་སྙེད་དང་ལྡན་ནོ།། ཁ་དོག་གི་རྣམ་པ་དེ་རེ་རེ་ལ་ཡང་སྤྲུལ
348a7 པའི་སངས་རྒྱས་སྐུ་ཚད་མེད་པ་རྡུལ་ཕྲ་རབ་ཀྱི་གྲངས་སྦེད་བཞུགས་སོ། ། སྤྲུལ་པའི་སངས་རྒྱས་དེ་དག་ཀུན་ཀྱང་རྡོ་རྗེའི་ཁང་པ་རྩེགས་པ་ན་བཞུགས་པར་སྣང་ངོ་།། རྡོ་རྗེའི་ཁང་པ
iiif viewer powered by OpenSeadragon
