| e-texts navigator |
| Wylie |
347b1 པདྨོ་བརྒྱད་ཁྲི་བནི་སྟོང་སྙེད་ཡོད་པར་གྱུར་ཏོ། ། པདྨོ་དེ་གཅིག་གི་སྲང་ན་ཡང་སྤྲུལ་པའི་སངས་རྒྱས་བརྒྱད་ཁྲི་བའི་སྤོང་སྦེད་བཞུགས་སོ།། སྤྲུལ་པའི་སངས་རྒྱས་རེ་རེ་རེའི་ཞབས་འབྲིང་ན་ཡང་འཁོར་བྱང་ཆུབ
347b2 སེམས་དཔའ་བརྒྱད་ཁྲི་བཞི་སྟོང་སྙེད་དོ། ། བྱང་ཆུབ་སེམས་དཔའ་དེ་དག་རེ་རེའི་སྨིན་མཚམས་ཀྱི་འོད་ཟེར་གྱི་རྣམ་པ་ལས་སྒྲ་དབྱངས་སྣ་ཚོགས་བྱུང་སྟེ། དེ་ཡང་སངས་རྒྱས་ཀྱི་སྐུའི་ཡོན་ཏན་དང
347b3 མཚན་དང་། དཔེ་བྱད་བསྟོད་ཅིང་བསྔགས་པའི་སྒྲའོ།། བཅོམ་ལྡན་འདས་ཤཱཀྱ་ཐུབ་པས་འོད་ཟེར་དང་། སྤྲུལ་པ་དེ་དག་བསྟན་ནས། རྒྱལ་པོ་ཡབ་ལ་བཀའ་སྩལ་པ། རྒྱལ་པོ་ཆེན་པོ
347b4 དེ་བཞིན་གཤེགས་པའི་གཟུགས་ཀྱི་སྐུ་དང་མཚན་གྱི་ཁྱད་པར་ནི་འདི་དག་སྟེ། སངས་རྒྱས་ཀྱི་ཐུགས་ནི་མ་གཏོགས་ཀྱི། སྤྱོད་ཡུལ་གཞན་ནི་གོང་དུ་བཤད་པ་དག་གོ།། བཅོམ་ལྡན་འདས་ཀྱིས་དེ་སྐད
347b5 གསུངས་པ་དང་། དེའི་ཚེ་རྒྱལ་པོ་ཡང་དུག་པ་ལས་ལངས་ཏེ་གོས་ཚགས་བཅོམ་ནས། བཅོམ་ལྡན་འདས་ལ་ཕྱག་འཚལ་ཏེ་ལན་བདུན་བསྐོར་བ་བྱས་ནས་པུས་མོ་ས་ལ་བཙུགས་ཏེ་ཐལ་མོ་སྦྱར་ནས།
347b6 བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དེ་བཞིན་གཤེགས་པའི་གཟུགས་ཀྱི་སྐུ་དང་། མཚན་ནི་ཐམས་ཅད་དུ་ཁྱད་པར་བསྟན་ན། བཅོམ་ལྡན་འདས་ཀྱི་ཐུགས་ཀྱི
347b7 མཚན་དང་། སྤྱོད་ཡུལ་ཇི་ལྟ་བུ་དང་། མཚན་ཅི་འདྲ་བ་དང་། ནན་ཏན་ཅི་མཛད་པ་དང་། སངས་རྒྱས་ཀྱི་ཐུགས་ཀྱི་དགོངས་པ་ཇི་ལྟ་བུ་དང་། ཐུགས་ཀྱི་འོད་ཟེར་ཇི་ལྟ་བུ་ལགས་པ་བསྟན་དུ་གསོལ
iiif viewer powered by OpenSeadragon
