| e-texts navigator |
| Wylie |
347a1 ཕྲ་རབ་སྙེད་འབྱུང་ཞིང་། འོད་དེའི་ཐོག་མ་ལེ་ཡང་སྤྲུལ་པའི་སངས་རྒྱས་སྐུ་ཡུངས་ཀར་གྱི་འབྲས་བུ་ཙམ་ཤ་སྟག་ཡོད་པར་གྱུར་ཏོ།། སངས་རྒྱས་སྐུ་ཕྲ་མོ་དེ་དག་གི་ལྟེ་བའི
347a2 མཚན་སྟོན་པ་ཡང་གོང་དུ་བཤད་པ་བཞིན་ནོ། ། དེ་ལྟར་སྐུ་ལྟེ་བའི་འོད་ཟེར་རྣམས་ཕྱོགས་བཅུ་ཀུན་ཏུ་སྣང་བར་བྱས་ནས། ཕྱིར་ཡང་སངས་རྒྱས་ཀྱི་ལྟེ་བར་ཞུགས་སོ།། སངས་རྒྱས
347a3 རྣམས་ཀྱི་ལྟེ་བ་ནས་བྱུང་ནས་བྱང་ཆུབ་སེམས་དཔའ་རྣམས་ཀྱི་སྙིང་ཀར་ཞུགས་སོ། ། བྱང་ཆུབ་སེམས་དཔའ་རྣམས་ཀྱི་སྙིང་ཀ་ནས་ཕྱིར་བྱུང་ནས་ཉན་ཐོས་རྣམས་ཀྱི་སྤྱི་བོར་ཞུགས་སོ།།
347a4 ཉན་ཐོས་རྣམས་ཀྱི་སྤྲ་བོ་ནས་ཕྱིར་བྱུང་ནས་འོད་ཀྱི་སྤྲིན་ཆེན་པོ་ཚད་མེད་པར་གྱུར་ཏེ། དེ་གསེར་གྱི་ཁ་དོག་རིན་པོ་ཆེ་རྣམ་པ་སྣ་ཚོགས་པས་སྤྲས་ཤིང་བརྒྱན་ཏེ། སངས་རྒྱས་ཀྱི་ཞབས
347a5 ཀྱི་མཐིལ་དུ་ཞུགས་སོ། ། སངས་རྒྱས་རྣམས་ཀྱི་ཞབས་ཀྱི་མཐིལ་དུ་ཞུགས་ནས། ཞབས་ཀྱི་མཐིལ་ཁོར་ལོ་རྩིབས་སྟོང་དང་ལྡན་པའི་མཚན་ལས་ཀྱང་འོད་ཟེར་ཆེན་པོ་བྱུང་བར
347a6 གྱུར་ཏོ། ། འོད་ཟེར་དེ་ཡང་པདྨོ་ཆེན་པོ་ལྟ་བུ་སྟེ། པདྨོ་དེ་འདབ་ཆགས་སུ་གྱུར་ཏེ། སངས་རྒྱས་ལ་ལན་སྟོང་ཕྲག་བཅུ་བསྐོར་ནས། ཟངས་ཀྱི་ཁ་དོག་ལྟ་བུའི་ཞབས་ཀྱི་སེན
347a7 མོ་དང་། ཞབས་ཀྱི་སོར་མོའི་གོང་ནས་དབུའི་གཙུག་ཏོར་ལ་ཐུག་གི་བར་དུ་ཡོངས་སུ་བརྒྱན་ཏེ། སངས་རྒྱས་ཀྱི་སྐུའི་བ་སྤུའི་གའི་མཚན་རྣམས་པདྨོ་ཁ་བྱེ་བ་ལྷ་བུ་གྱུར་ནས། བ་སྤུའི་བུ་ག་གཅིག་གི་ནང་ན་ཡང
iiif viewer powered by OpenSeadragon
