| e-texts navigator |
| Wylie |
346b1 འོད་འབུམ་ཕྲག་གཅིག་གིས་ནི་བྱང་ཤར་གྱི་ཕྱོགས་མཚམས་སྣང་བར་བྱས་ཏེ། བྱང་ཤར་གྱི་ཕྱོགས་མཚམས་ཀྱི་འཇིག་རྟེན་གྱི་ཁམས་ཚད་མེད་པ་སྙེད་འོད་ཀྱིས་ཡོངས་སུ་དག་ཅིང་རྙོག
346b2 པ་འམ། དྲི་མ་མེད་པ་ནི་ཤེལ་གྱི་སྒོ་ངའི་མེ་ལོང་ལྷར་ཕྱི་ནང་ཀུན་གསལ་བར་བྱས་སོ།། འོད་དེ་དག་གི་ནང་ནས་ཕྱོགས་བཅུའི་སངས་རྒྱས་ཀུན་ཀྱང་སྐུ་ལྟེ་བའི་མཚན་སྟོན་པར་སྣང་ངོ་།།
346b3 སངས་རྒྱས་དེ་དག་རེ་རེའི་སྐུ་ལྟེ་བའི་འོད་གཟེར་གྱིས་ཀྱང་ཕྱོགས་བཅུའི་སངས་རྒྱས་ཀྱི་ཞིང་ཚད་མེད་པ་སྙེད་སྣང་བར་བྱས་ཏེ། སངས་རྒྱས་ཀྱི་ཞིང་རེ་རེར་ཡང་སྤྲུལ་པའི་སངས་རྒྱས
346b4 རྡུལ་ཕྲ་རབ་ཀྱི་གྲངས་སྙེད་བཞུགས་པར་གྱུར་ཏོ། ། སངས་རྒྱས་དེ་རེ་རེ་ལ་ཡང་རྡུལ་ཕྲ་རབ་སྙེད་ཀྱི་བྱང་ཆུབ་སེམས་དཔའ་དག་ཞབས་འབྲིང་འཁོར་དུ་གྱུར་ཏོ།། དེ་ལྟར་བྱང་ཆུབ་སེམས
346b5 དཔའ་དག་ཀྱང་ལྟེ་བའི་མཚན་སྟོན་ཏོ། ། འོད་ཟེར་ལས་གསེར་གྱི་ཀ་བ་དང་། རིན་པོ་ཆེའི་གདུང་མ་རྣམ་པར་རྒྱལ་བའི་ཁང་པ་ལྟ་བུར་བྲེས་ཏེ། དེ་ལས་རིན་པོ་ཆེའི་ཡང་ཐོག་དང་། སྤྲོག་མ
346b6 དང་སྒྲོམ་བུ་དང་། རིན་པོ་ཆེའི་བརྒྱན་ཕྲེང་ཚད་བརྗོད་དུ་མེད་པ་རྙེད་དེ། སྤྲིན་ལྷར་སྟེང་གི་ནམ་མཁའ་ལ་འཕགས་ཏེ་འོད་རབ་ཏུ་འབར་རོ།། རིན་པོ་ཆེའི་ཆ་རྒྱན་དེ་དག་ཀུན་ལས་འོད་ཟེར་སོ་སོ
346b7 ནས་འབུམ་ཕྲག་ཁྲི་ཁྲི་ཡོད་པར་གྱུར་ཏོ། ། འོད་ཟེར་འབུམ་ཕྲག་དེ་རེ་རེ་ལ་ཡང་སངས་རྒྱས་ཀྱི་སྐུ་དེ་སྙེད་གཅིག་ཏུ་གྱུར་ཏེ་སྣང་ངོ་།། སངས་རྒྱས་དེ་རེ་རེའི་སྐུ་ལ་ཡང་སྤྲུལ་པའི་འོད་ཟེར་རྡུལ
iiif viewer powered by OpenSeadragon
