| e-texts navigator |
| Wylie |
346a1 ཀྱང་ཕྱོགས་བཅུའི་སངས་རྒྱས་རྣམས་དང་། སྤྲུལ་པའི་སངས་རྒྱས་ཐམས་ཅད་སྣང་བར་བྱས་སོ།། སེམས་ཅན་གང་ཞིག་ལ་འོད་གཟེར་འདི་རེག་པར་གྱུར་པ་དེ་ཡང
346a2 དྲན་སོང་གསུམ་ལས་ཡོངས་སུ་ཐར་ཏེ། དྲན་སོང་གསུམ་གྱི་ཉེས་པས་མི་འཚེ་བར་འགྱུར་རོ།། འོད་གཟེར་དོ་དགའ་ཁྱིལ་ཅིང་འདུས་པ་ལས་འོད་ཀྱི་ཁང་པ་བརྩེགས་པ་ལྟ་བུར་གྱུར་ཏེ།
346a3 སྤྲིན་ལྟར་སྟེང་གྱི་བར་སྣང་ལ་འཕགས་ཏེ་འོད་དེའི་ནང་ནས་སྤྲུལ་པའི་སངས་རྒྱས་བརྒྱ་སྟོང་དུ་མ་སྙེད་སྣང་ངོ་།། སྤྲུལ་པའི་སངས་རྒྱས་དེ་རེ་རེ་ལ་ཡང་ཉེ་གནས་ཀྱི་འཁོར་ཁྲི་ཕྲག་བརྒྱ
346a4 སྙེད་དེ། འོད་སྲུངས་ཆེན་པོ་ལྷར་སྦྱངས་པའི་ཡོན་ཏན་བཅུ་གཉིས་ལ་དཀའ་ཐུབ་ཏུ་སྤྱོད་ཅིང་སེམས་ཅི་ལ་ཡང་མ་ཆགས་ཏེ། འཇིག་རྟེན་ལས་ཡོངས་སུ་འདའ་བ་ཤ་སྟག་གོ། དེ་ལ
346a5 དེ་ལྟར་བལྟ་བར་བྱའོ། ། གང་གིས་དེ་ལྟ་བུར་མཐོང་བ་དེ་ནི་ཡང་དག་པར་མཐོང་བའོ།། གང་གིས་དེ་ལྟ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། སངས་རྒྱས་ཡོངས་སུ་མྱ
346a6 ངན་ལས་འདས་ནས། སངས་རྒྱས་ཀྱི་ཉེ་གནས་སུ་གྱུར་པ་དག་འདི་ལྟར་འདུ་ཤེས་པ་འམ། སེམས་ཤིང་ཡིད་ལ་བྱེད་པའམ། ཆོས་འདི་རྗེས་སུ་དྲན་པར་བྱས་ན། གང་ཟག་དེས
346a7 རྟག་ཏུ་སངས་རྒྱས་རྣམས་མཐོང་ཞིང་མྱུར་དུ་ཐེག་པ་ཆེན་པོའི་ཆོས་ཀྱི་དོན་རྟོགས་པ་དང་། བསྐལ་པའི་ཁྲི་ཕྲག་བཅུ་སྙེད་ཀྱི་འཁོར་བའི་ཉེས་པ་ཡོངས་སུ་སྤོང་བར་རིག་པར་བྱའོ།།
iiif viewer powered by OpenSeadragon
