| e-texts navigator |
| Wylie |
345b1 བར་འགྱུར་རོ། ། འོད་འབུམ་ཕྲག་གཅིག་གིས་ནི་ནུབ་བྱང་གྱི་ཕྱོགས་མཚམས་ཀྱི་འཇིག་རྟེན་སྣང་བར་བྱས་ནས། ནུབ་བྱང་གི་ཕྱོགས་མཚམས་ཀྱི་འཇིག་རྟེན་གྱི་ཁམས་ཚད་མེད།
345b2 པ་སྙེད་དེ་དག་འོད་དེས་ཤེལ་སྣ་ཚོགས་ཀྱི་ཁ་དོག་ཏུ་གྱུར་ཏེ། ཤེལ་ལེ་བརྒན་དང་དཀར་པོ་དང་། ལྗང་ཁུ་ལ་གསེར་དང་བཻ་ནྡཪྻ་དང་པདྨོ་རཱ་གས་ཀྱང་མཛེས་པར་བརྒྱན་ཅིང་སྨྲས་སོ།།
345b3 ཤེལ་དང་རིན་པོ་ཆེ་དེ་དག་གི་འོད་གཟེར་ལས་རིན་པོ་ཆེའི་ཤིང་རྟ་ཁྲི་ཕྲག་དུ་མ་དུ་མ་སྙེད་བྱུང་ངོ་།། རིན་པོ་ཆེའི་ཤིང་རྟ་རྣམས་ཀྱི་ཁ་དོག་ཇི་ལྟ་བ་དེ་བཞིན་དུ་འོད་ཀྱི་ཁ་དོག་ཀྱང
345b4 དེ་བཞིན་དུ་འབར་རོ། ། ཤིང་རྟ་དེ་དག་གི་སྲོག་ཤིང་ནི་གསེར་བཙོ་མའི་ཁ་དོག་གོ།། དེ་ལྟ་བུའི་ཤིང་རྟ་དེ་དག་གི་སྟེང་ན་རིན་པོ་ཆེ་སྣ་བདུན་གྱི་མཆོད་རྟེན་དང་། རྒྱལ་མཚན
345b5 ཆེན་པོ་ཡོད་དེ། མཆོད་རྟེན་དང་རྒྱལ་མཚན་གྱི་རྩེ་མོ་ལ་རིན་པོ་ཆེའི་གདུགས་ཆེན་པོ་ཡོད་དོ།། གདུགས་དེ་ཡང་རིམ་པ་བཅུ་སྙེད་དོ།། གདུགས་དེ་ལས་འོད་གཟེར་སྟོང་སྟོང་སྙེད
345b6 འབར་རོ། ། རིན་པོ་ཆེའི་ཕྲེང་བ་མང་པོས་ཀྱང་ཤིན་ཏུ་མཛེས་པར་བརྒྱན་ཏེ། འོད་གཟེར་ཀྱང་དེའི་རྗེས་སུ་འཇུག་གོ།། དེ་ནས་ཡང་ཕྱིར་བྱུང་བ་དང་། དེ་ལས་སྤྲུལ་པའི
345b7 སངས་རྒྱས་མང་པོ་བྱུང་སྟེ། སངས་རྒྱས་དེ་དག་གི་སྐུའི་ཚད་ཀྱང་དཔག་ཚད་འབུམ་ཕྲག་ཁྲི་སྙེད་དོ།། སངས་རྒྱས་དེ་དག་རེ་རེའི་སྐུའི་ལྟེ་བ་ནས་ཀྱང་འོད་གྲངས་མེད་པ་བྱུང་སྟེ། འོད་དེས
iiif viewer powered by OpenSeadragon
