| e-texts navigator |
| Wylie |
327a1 སྟེ། མ་འོངས་པའི་དུས་ན་ཡང་རྟག་ཏུ་སངས་རྒྱས་རྗེས་སུ་དྲན་པར་བྱེད་ཅིང་། སངས་རྒྱས་ཀྱི་ཉི་མ་དང་མི་འབྲལ་བར་འགྱུར་རོ།། གལ་ཏེ་མའི་མངལ་ན་འདུག་ན་ཡང
327a2 རྟག་ཏུ་ཏིང་ངེ་འཛིན་ལས་མི་གཡོ་སྟེ། ། མངལ་གྱི་གནས་ན་འདུག་པའི་ཚེ་ན་ཡང་ཕྱོགས་བཅུའི་སངས་རྒྱས་ཀྱིས་སྤྱན་གྱི་འོད་ཟེར་བཀྱེ་ནས། བདག་གི་ལུས་སྣང་བར་གྱུར་པར་མཐོང་ངོ་།།
327a3 མའི་མངལ་ན་གནས་པའི་ཚེ་ན་ཡང་རྟག་ཏུ་དམ་པའི་ཆོས་ཐོས་ན་བཙས་ཟིན་ནས་ལྷ་སྨོས་ཀྱང་ཅི་དགོས། དེ་ལ་དེ་ལྟར་བལྟའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག་པར་མཐོང
327a4 བའོ། ། གང་གིས་དེ་ལྷ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། གཞན་ཡང་བཅོམ་ལྡན་འདས་ཀྱི་ཤངས་ཀྱི་བུ་གུ་ནས་འོད་རྣམ་པ་གཉིས་བྱུང་སྟེ།། འོད་དེས་ཀྱང་ཕྱོགས་བཅུ
327a5 འཇིག་རྟེན་གྱི་ཁམས་ཀུན་སྣང་བར་བྱེད་དོ། ། འོད་དེ་རེ་རེ་ལས་ཆུ་ཆེན་པོ་རེ་རེ་བྱུང་སྟེ། ཆུ་ཆེན་པོ་དེ་ཡང་ནམ་མཁའ་ལ་འོད་ཀུན་གྱི་ནང་དུ་འབབ་བོ།། དེ་ལྟར་ཆུ་དེ་འབབ་པ་ན་འོད་དེ་དག་ཀྱང
327a6 ཐམས་ཅད་ཀུན་ཏུ་གསལ་བར་གྱུར་ཏོ། ། འོད་ཟེར་དེ་རེ་རེ་ལས་ཤེལ་གྱི་རི་རེ་རེ་ཡང་ཡོད་པར་གྱུར་ཏོ།། ཤེལ་གྱི་རི་དེ་དག་ལ་ཡང་རིན་པོ་ཆེ་སྣ་བདུན་གྱི་པདྨོ་སྐྱེས་ནས། པདྨོ་དེ་ལས་ཀྱང་གསེར་གྱི་ཁ་དོག
327a7 ལྟ་བུའི་ཆུ་གསེར་གྱི་རྒྱལ་མཚན་གྱི་གཟུགས་ལྟ་བུ་འབབ་བོ། ། གསེར་གྱི་རྒྱལ་མཚན་ལྟ་བུའི་ཆུ་དེའི་ནང་ན་ཡང་སྤྲུལ་པའི་སངས་རྒྱས་ཚད་མེད་པ་ཁྲི་ཕྲག་བརྒྱ་སྟོང་དུ་མ་བཞུགས་སོ།།
iiif viewer powered by OpenSeadragon
