| e-texts navigator |
| Wylie |
326b1 སྤྲུལ་པའི་སངས་རྒྱས་ཀྱི་སྐུ་ཡང་སྔོན་པོ་བཞུགས་སོ། ། འོད་ཁ་དོག་དཀར་པོའི་ནང་ན་ཡང་སྤྲུལ་པའི་སངས་རྒྱས་ཀྱི་སྐུ་ཡང་དཀར་པོ་བཞུགས་ཏེ། སྤྲུལ་པའི་སངས་རྒྱས་དེ་དག་གི་གཡས
326b2 གཡོན་དང་། ཕྱོགས་མཚམས་ན་རིན་པོ་ཆེའི་ཁ་དོག་བརྒྱ་དང་ལྡན་པའི་འོད་ཀྱི་སྤྲིན་ལྡིང་བ་ནི། ཇི་ལྟར་མངོན་པར་ཤེས་པ་དྲུག་དང་ལྡན་པ་དག་ནམ་མཁའ་ལ་འཕུར་བ་བཞིན་ནོ།།
326b3 བཅོམ་ལྡན་འདས་ཀྱིས་སྐུའི་བ་སྤུའི་བུ་ག་ཀུན་ནས། མེ་ཏོག་གི་ཤིང་རིན་པོ་ཆེ་འོད་འབར་བ་ལྷ་བུ་རེ་རེ་བྱུང་ངོ་།། མེ་ཏོག་གི་ཤིང་དེ་དག་རེ་རེས་ཀྱང་ཚངས་པའི་འཇིག་རྟེན་ལ་ཐུག་གོ།། མེ་ཏོ།།
326b4 དེ་དག་གི་འདབ་མའི་བར་ན་ཉན་ཐོས་ཀྱི་དགེ་སློང་ཁྲི་ཕྲག་བརྒྱ་སྟོང་དུ་མ་ཡོད་དོ།། དགེ་སློང་དེ་དག་གི་ལུས་ལ་ལྷན་པ་སྟོང་དང་ལྡན་པའི་ཚེམ་བུ་གྱོན་ཏེ། ལྷན་པ་སྟོང་དེ་ལ་འོད་ཟེར་སྟོང་འབར་རོ།།
326b5 འོད་ཟེར་དེ་དག་གཅིག་གི་ནང་ན་ཡང་སྤྲུལ་པའི་སངས་རྒྱས་བརྒྱ་སྟོང་དུ་མ་སྙེད་བཞུགས་ཏེ། དེ་དག་གི་སྐུའི་མདོག་ཀྱང་གསེར་བཙོ་མའི་མདོག་ལྟ་བུའོ།། དགེ་སློང་དེ་དག་འོད་ཟེར་གྱི་སྤྲིན་གྱི་ནང་དུ
326b6 ཞུགས་ནས། སངས་རྒྱས་ཀྱི་ཞབས་འབྲིང་དུ་དོང་བ་ནི། ཀླུ་འམ་བ་གླང་གི་ཕྱི་བཞིན་དུ་ཕྲུག་གུ་སོང་བ་བཞིན་ནོ།། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། སངས་རྒྱས
326b7 ཡོངས་སུ་མྱ་ངན་ལ་ས་འདས་ནས། སངས་རྒྱས་ཀྱི་ཉེ་གནས་སུ་གྱུར་པ་དག་ཡང་དག་པའི་སེམས་ཀྱིས་སངས་རྒྱས་སྤྱན་གྱི་འོད་རྗེས་སུ་དྲན་པར་བྱེད་ན། ཚེ་འདི་ཉིད་ལ་སྒྲིབ་པ་ལྕི་བ་ཀུན་བྱང
iiif viewer powered by OpenSeadragon
