| e-texts navigator |
| Wylie |
326a1 མཐོང་བའོ། ། གང་གིས་ད་ལྟ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། དེ་ལ་ཇི་ལྟར་ན་དེ་བཞིན་གཤེགས་པའི་ཤངས་ཀྱི་འོད་ཟེར་ལ་རྟོག་པ་ཞེ་ན། ཤངས
326a2 ནང་ནས་འོད་ཟེར་རྣམ་པ་བཞིར་གྱེས་ཏེ། སངས་རྒྱས་ཀྱི་སྤྱན་དང་། སྤྱན་གྱི་སྨིན་མ་དང་། སྤྱན་གྱི་རྫི་མའི་ནང་དུ་ཞུགས་སོ།། དེ་ནས་ཡང་འོད་ཟེར་ཆེན་པོ་བྱུང་སྟེ། འོད་ཀྱི
326a3 དབྱིབས་ཀྱང་ཀླུ་འམ། བ་གླང་གི་གཟུགས་ལྟ་བུར་སྣང་སྟེ། ཕྱོགས་བཅུའི་འཇིག་རྟེན་གྱི་ཁམས་ཚད་མེད་པ་སྙེད་སྣང་བར་བྱས་ནས། སངས་རྒྱས་ཀྱི་སྤྱན་གྱི་ནང་དུ་ཞུགས་སོ།།
326a4 འོད་འདི་སྟོན་པའི་ཚེ་ན་ཕྱོགས་ཅུ་ཀུན་ཏུ་རབ་ཏུ་སྣང་བར་གྱུར་ནས། དེའི་ཚེ་རྣལ་འབྱོར་ཅན་དག་གིས་ཕྱོགས་བཅུའི་འཇིག་རྟེན་གྱི་ཁམས་ཀྱི་ས་གཞི་དང་། སྟེང་གི་ནམ་མཁའ་ལ་སངས་རྒྱས་ཀྱིས
326a5 ཡོངས་སུ་གང་བར་མཐོང་ངོ་། ། སངས་རྒྱས་དེ་དག་གིས་ཀྱང་སོ་སོའི་སྤྱན་དང་། སྤྱན་གྱི་རྫི་མ་དང་། སྤྱན་གྱི་སྨིན་མ་དང་། ཤངས་ནས་འོད་ཟེར་ཆེན་པོ་བཀྱེ་བ་ཡང་གོང་མ་བཞིན་ནོ།།
326a6 སངས་རྒྱས་ཀྱི་སྤྱན་གཉིས་ཀྱི་འོད་ཟེར་གྱིས་ཕྱོགས་བཅུ་ཀུན་ཏུ་སྣང་བར་བྱས་ཏེ། སངས་རྒྱས་ཀྱི་སྤྱན་གྱི་ནང་དུ་ཞུགས་ནས། སྟེང་གི་ནམ་མཁའ་ལ་འོད་ཟེར་གྱི་ཁང་པ་བརྩེགས་པར་གྱུར
326a7 ཏོ། ། འོད་ཟེར་གྱི་ཁང་པ་བརྩེགས་པ་དེའི་སྟེང་ན་འོད་ཀྱི་སྤྲིན་ལྡིང་ངོ་།། འོད་ཀྱི་སྤྲིན་དེ་ཡང་ཁ་དོག་སྔོན་པོ་དང་དཀར་པོ་སྟེ། འཇིག་རྟེན་ན་དཔེར་བྱར་མེད་དོ།། འོད་ཁ་དོག་སྔོན་པོའི་ནང་ན་ཡང
iiif viewer powered by OpenSeadragon
