| e-texts navigator |
| Wylie |
325b1 ལེགས་སོ། ། སྤྱོད་ཡུལ་འདི་ཡང་ཁྱོད་ཀྱི་སེམས་ཀྱི་རྣམ་པར་རྟོག་པ་ལས་ཤེས་སོ་ཞེས་དེ་སྐད་གསུངས་ནས་མི་སྣང་བར་གྱུར་ཏོ།། ཞལ་དཔྲལ་བའི་འོད་རྣམས་ནི་ཕྱིར་ནིང་ལྷག་པར
325b2 གསལ་ཏེ། གཞན་ཡང་འོད་ཟེར་བརྒྱ་སྟོང་དུ་མ་དག་འབྱུང་ངོ་།། འོད་ཟེར་དེ་དག་གིས་རིན་པོ་ཆེའི་ཁྲི་ལ་འདུག་པའི་བྱང་ཆུབ་སེམས་དཔའི་རྣམས་ཀྱི་གདོང་སྣང་བར་བྱས་སོ།།
325b3 བྱང་ཆུབ་སེམས་དཔའ་དེ་དག་གིས་གདོང་ལས་ཀྱང་འོད་ཟེར་བཀྱེ་ནས། བཅོམ་ལྡན་འདས་ཤཱཀྱ་ཐུབ་པ་སྣང་བར་བྱས་སོ།། མཚན་འདི་བསྟན་པའི་ཚེ་ན། རྣལ་འབྱོར་ཅན་གྱིས
325b4 ཐེ་ཙོམ་མེད་པར་སངས་རྒྱས་ཀྱི་ཞལ་མངོན་སུམ་དུ་ཡང་དག་པར་རྟོགས་སོ། ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། སངས་རྒྱས་ཡོངས་སུ་མྱ་ངན་ལས་འདས
325b5 ནས། སངས་རྒྱས་ཀྱི་ཉེ་གནས་སུ་གྱུར་པ་དག། གང་གིས་དེ་ལྟར་རྟོགས་ན་སངས་རྒྱས་ཀྱི་ཞལ་ཡང་དག་པར་མཐོང་བ་སྟེ། ང་འཇིག་རྟེན་ན་བཞུགས་པ་དང་མི་འདྲ་བ་མེད་དོ།། །
325b6 གང་གིས་དེ་ལྟར་རྗེས་སུ་དྲན་པར་བྱས་ན། བསྐལ་པ་ཁྲི་ཕྲག་བརྒྱའི་འཁོར་བའི་ཉེས་པ་ཡོངས་སུ་སྤོང་བར་འགྱུར་ཞིང་། སྐྱེ་བའི་གནས་ཕྱི་མར་སངས་རྒྱས་རྣམས་མཐོང་བ་དང
325b7 སངས་རྒྱས་ཀྱི་རིགས་སུ་སྐྱེ་བ་དང་། སངས་རྒྱས་དང་བྱང་ཆུབ་སེམས་དཔའི་འཁོར་དུ་སྐྱེ་བར་འགྱུར་རོ།། དེ་ལ་དེ་ལྟར་བལྟ་བར་བྱའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག་པར
iiif viewer powered by OpenSeadragon
