| e-texts navigator |
| Wylie |
325a1 སོ། ། དེ་བཞིན་དུ་བྱང་ཆུབ་སེམས་དཔའ་ཁྲི་ཕྲག་བརྒྱ་སྟོང་དུ་མ་སྟེ། གསེར་གྱི་ཁྲི་ཡང་ཁྲི་ཕྲག་བརྒྱ་སྟོང་དུ་མའོ།། གསེར་གྱི་ཁྲི་དེ་དག་ཀུན་གྱི་སྟེང་ན་ཡང་རིན་པོ་ཆེའི
325a2 བླ་རེ་བྲེས་སོ། ། རིན་པོ་ཆེའི་བླ་རེ་དེ་རེ་རེའི་འོག་ན་ཡང་འོད་ཟེར་སྟོང་སྟོང་འབར་རོ།། འོད་ཟེར་དེ་རེ་རེ་ལ་ཡང་རིན་པོ་ཆེའི་རྒྱལ་མཚན་སྟོང་སྟོང་དུ་གྱུར་ཏོ།། རྒྱལ་མཚན་དེ་རེ་རེ་ལ
325a3 ཡང་རིན་པོ་ཆེའི་གདུགས་བརྒྱ་སྟོང་དུ་མ་བྲེས་སོ། ། རིན་པོ་ཆེའི་གདུགས་དེ་དག་ལ་རིན་པོ་ཆེའི་བ་དན་དུ་མ་དཔྱངས་སོ།། རིན་པོ་ཆེའི་བ་དན་དེ་དག་ཀུན་གྱི་བར་ན། སྤྲུལ་པའི་སངས
325a4 རྒྱས་ཚད་མེད་པ་དག་བཞུགས་སོ། ། སྤྲུལ་པའི་སངས་རྒྱས་དེ་དག་ཐམས་ཅད་ཀྱང་སྡུག་བསྔལ་དང་། སྟོང་པ་ཉིད་དང་། མི་རྟག་པ་དང་། བདག་མེད་པའི་ཆོས་འཆད་དེ། དེ་སྐད་དུ
325a5 འཆད་པའི་ཚེ་ན་ཕྱོགས་བཅུའི་སངས་རྒྱས་ཐམས་ཅད་ཀྱང་དེ་སྐད་ཅེས་འཆད་དོ། ། བཅོམ་ལྡན་འདས་ཤཱཀྱ་ཐུབ་པས་ཀྱང་སྐུའི་ཚད་མཐོ་བཅུ་དྲུག་པ། རྣལ་འབྱོར་ཅན་གྱི་མདུན་དུ
325a6 བཞུགས་ཏེ། ཕྱག་གཡས་པ་བཏེག་ནས་འདི་སྐད་དུ། ཤིན་ཏུ་ལེགས་སོ།། རིགས་ཀྱི་བུ་ཤིན་ཏུ་ལེགས་སོ།། ཁྱེད་སངས་རྒྱས་ཀྱི་མཚན་དང་། དཔེ་བྱད་བཟང་པོ་རྗེས་སུ
325a7 དྲན་པར་བྱེད་པ་ཤིན་ཏུ་ལེགས་སོ། ། ངས་ཀྱང་སྔོན་བྱང་ཆུབ་སེམས་དཔའི་སྤྱོད་པ་སྤྱད་པའི་ཚེ་ན་ཡང་ཁྱོད་དང་འདྲ་བར་སྤྱད་དོ།། ཁྱོད་ཀྱིས་སངས་རྒྱས་ཀྱི་སྤྱོད་ཡུལ་རྗེས་སུ་དྲན
iiif viewer powered by OpenSeadragon
