| e-texts navigator |
| Wylie |
324a1 ཅད་མངོན་པར་སྣང་སྟེ། སངས་རྒྱས་དེ་དག་ཀུན་གྱི་སྐུའི་ཚད་ཀྱང་རི་རབ་དང་མཉམ་པར་སྣང་ངོ་།། སྤྲུལ་པའི་སངས་རྒྱས་དེ་དག་གི་སྨིན་མཚམས་ནས་ཀྱང་། འོད་ཟེར
324a2 བཀྱེ་ནས་སྤྲུལ་པའི་སངས་རྒྱས་རྣམས་ལ་ལན་བདུན་ཚང་བར་བསྐོར་ཏེ། བཅོམ་ལྡན་འདས་ཤཱཀྱ་ཐུབ་པའི་སྨིན་མཚམས་སུ་ནུབ་བོ།། འོད་དེ་སྨིན་མཚམས་སུ་ནུབ་པ་ན། སངས་རྒྱས་ཀྱི་སྐུའི
324a3 བ་སྤུའི་བུ་ག་ཀུན་ནས་སྤྲུལ་པའི་གཟུགས་བརྙན་རེ་རེ་ཡོད་པར་གྱུར་ཏོ། ། སྤྲུལ་པའི་གཟུགས་བརྙན་དེའི་བ་སྤུའི་བུ་ག་ནས་ཀྱང་སྤྲུལ་པའི་གཟུགས་དམ་པ་བརྒྱ་ཁྲི་བཞི་སྟོང་སྙེད་ཡོད་པར་གྱུར་ཏེ
324a4 དེ་དག་ཐམས་ཅད་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། སེམས་ཅན་ཐམས་ཅད་ཀྱི་ངོ་མཚར་རྨད་དུ་བྱ་བ་ཐམས་ཅད་དུ་སྣང་ངོ་།། དེ་ནི་དེ་བཞིན་གཤེགས་པའི་དཔེ
324a5 བྱད་བཟང་པོ་བརྒྱད་ཅུའི་ནང་ན། དཔེ་བྱད་བཟང་པོ་གཅིག་གི་འོད་ཟེར་ཡིན་ཏེ། དཔེ་བྱད་བཟང་པོ་བརྒྱད་ཅུའི་འོད་ཟེར་ནི་རྒྱས་པར་བཤད་དུ་བདེ་བར་མི་ནུས་སོ།། དེ་བཞིན་གཤེགས་པས
324a6 མཛོད་སྤུ་དཀར་པོའི་འོད་ཟེར་གྱི་ཕྱོགས་ཙམ་ཞིག་བསྟན་པ་ན། རྒྱལ་པོ་ཡབ་དང་འཁོར་བརྒྱ་སྟོང་སྙེད་དྲི་མ་དང་བྲལ་ཏེ། ཆོས་ལ་ཆོས་ཀྱི་མིག་རྣམ་པར་དག་པར་གྱུར་ཏོ།། བཅོམ་ལྡན་འདས
324a7 ཀྱིས་དགའ་བོ་ལ་བཀའ་སྩལ་པ། དེ་བཞིན་གཤེགས་པའི་སྨིན་མཚམས་ཀྱི་མཛོད་སྤུ་དཀར་པོའི་མཚན་ནི་མདོ་སྡེ་གཞན་ལས་ཀྱང་བཅོམ་ལྡན་འདས་ཀྱིས་རྒྱས་པར་བཤད་དེ། མཚན་བཟང
iiif viewer powered by OpenSeadragon
