| e-texts navigator |
| Wylie |
323b1 དེའི་ཚེ། བཅོམ་ལྡན་འདས་ཀྱིས་སྨིན་མཚམས་ཀྱི་མཛོད་སྤུ་དཀར་པོའི་མཚན་གྱི་འོད་ཟེར་དེ་དག་རྣམ་པ་བརྒྱད་ཁྲི་བཞི་སྟོང་སྙེད་དུ་འཕྲོས་ཏེ། ཁ་དོག་ཀྱང་རྣམ་པ་བརྒྱད་ཁྲི་བཞི་སྟོང་སྙེད་དོ།།
323b2 འོད་དེས་ཕྱོགས་བཅུའི་འཇིག་རྟེན་གྱི་ཁམས་ཚད་མེད་པ་ཀུན་སྣང་བར་བྱས་ནས། འོད་དེ་རེ་རེ་ལ་གསེར་གྱི་རི་རེ་རེ་སྤྲུལ་ལོ།། གསེར་གྱི་རི་རེ་རེ་ལ་ཡང་གསེར་གྱི་བྲག་ཕུག་ཚད་མེད་པ་སྙེད་དེ།
323b3 བྲག་ཕུག་དེ་རེ་རེའི་ནང་ན་ཡང་སྤྲུལ་པའི་སངས་རྒྱས་རེ་རེ་སྐྱིལ་མོ་ཀྲུང་བཅས་ནས། ཏིང་ངེ་འཛིན་ལ་མཉམ་པར་གཞག་སྟེ། ཉན་ཐོས་དང་། བྱང་ཆུབ་སེམས་དཔའི་འཁོར་བརྒྱ་སྟོང་སྙེད
323b4 དང་བཞུགས་སོ། ། དེའི་ཚེ་གསེར་གྱི་བྲག་ཕུག་ན་བཞུགས་པའི་སངས་རྒྱས་དེ་དག་ཐམས་ཅད་ཀྱང་སྨིན་མཚམས་ནས། སྐྱེས་བུ་ཆེན་པོའི་མཚན་མཛོད་སྤུ་དཀར་པོའི་འོད་ཟེར་བཀྱེ་ནས
323b5 ཕྱོགས་བཅུའི་འཇིག་རྟེན་གྱི་ཁམས་ཚད་མེད་པ་ཀུན་སྣང་བར་བྱས་ཏེ། ས་གཞི་ཐམས་ཅད་ཀྱང་གསེར་གྱི་ཁ་དོག་ཏུ་གྱུར་ཏོ།། གསེར་གྱི་ཁ་དོག་ལྟ་བུར་གྱུར་པར་ས་གཞི་ལ་གསེར་གྱི་པདྨོ་སྐྱེས
323b6 གསེར་གྱི་པདྨོ་ལ་ཡང་སྤྲུལ་པ་སངས་རྒྱས་རེ་རེ་བཞུགས་ཏེ། དེ་དག་ཀྱང་མཚན་འཐུན་པར་ཤཱཀྱ་ཐུབ་པ་ཞེས་བྱའོ།། སངས་རྒྱས་དེ་དག་གི་སྨིན་མཚམས་ནས་ཀྱང་འོད་ཟེར་དེ་ལྟ་བུ་བཀྱེའོ།།
323b7 འོད་དེས་ཕྱོགས་བཅུའི་འཇོག་རྟེན་གྱི་ཁམས་ཀུན་སྣང་བར་བྱས་པ་ནི། ཇི་ལྟར་རི་རབ་ལྷུན་པོ་ཁྲི་ཕྲག་བརྒྱ་སྟོང་དུ་མ་ལྷན་ཅིག་ཏུ་སྤུབས་པ་ལྟ་བུའོ།། རི་རབ་ལྷུན་པོ་དེ་དག་ལ་སངས་རྒྱས་ཐམས
iiif viewer powered by OpenSeadragon
