| e-texts navigator |
| Wylie |
323a1 སྣང་བར་བྱས་སོ། ། སངས་རྒྱས་དེ་དག་གིས་ཀྱང་འོད་ཟེར་བཀྱེ་སྟེ། བཅོམ་ལྡན་འདས་ཤཱཀྱ་ཐུབ་པའི་སྤྱི་གཙུག་སྣང་བར་བྱས་སོ།། བཅོམ་ལྡན་འདས་ཀྱིས་དགའ་བོ་ལ
323a2 བཀའ་སྩལ་པ། སོ་སོ་སྐྱེ་བོ་གང་བཅོམ་ལྡན་འདས་ཤཱཀྱ་ཐུབ་པའི་སྤྱི་གཙུག་གི་འོད་ཟེར་ལ་རྟོག་པར་འདོད་པ་དག་དེ་ལྟར་རྗེས་སུ་དྲན་པར་བྱའོ།། དེ་ལྟར་རྟོགས་པ་དག་གལ་ཏེ་དམིགས་པ
323a3 འཛིན་པར་གྱུར་ཀྱང་རྨི་ལམ་དུ་མཐོང་བ་ཙམ་གྱིས་ཀྱང་། སེམས་ཀྱིས་འདུ་ཤེས་ཡིན་མོད་ཀྱི། ཁ་ན་མ་ཐོ་བའི་སྡིག་པ་ཚད་མེད་པ་བརྒྱ་སྟོང་སྙེད་བྱང་བར་འགྱུར་རོ།། གང་གིས་དེ་ལྟར།
323a4 རྗེས་སུ་དྲན་པར་བྱེད་ན། ལུས་འདི་ཉིད་ཀྱིས་ངེས་པར་བྱང་ཆུབ་སེམས་དཔའ་ཆེན་པོ་རྣམས་མཐོང་བར་འགྱུར་རོ།། བྱང་ཆུབ་སེམས་དཔའ་རྣམས་མཐོང་བས་དམ་པའི་ཆོས་ཐོས་པར་འགྱུར་རོ།།
323a5 ཆོས་ཐོས་པས་གཟུངས་ཆེན་པོ་ཐོས་པར་འགྱུར་ཏེ། གཟུངས་ཐོས་པ་དེ་ནི་ཡོངས་སུ་འཁྱིལ་པའི་གཟུངས་ཤེས་བྱའོ།། དེ་ལ་དེ་ལྟར་བལྟ་བར་བྱའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག
323a6 པར་མཐོང་བའོ། ། གང་གིས་དེ་ལྷ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། བཅོམ་ལྡན་འདས་ཀྱིས་རྒྱལ་པོ་ཡབ་ལ་བཀའ་སྩལ་པ། དེ་ལ་ཇི་ལྟར་ན་དེ་བཞིན་གཤེགས་པའི་སྨན
323a7 མཚམས་ཀྱི་འོད་ཟེར་རྗེས་སུ་དྲན་པ་ཞེ་ན། དེ་བཞིན་གཤེགས་པས་ཕྱི་མ་མ་འོངས་པའི་སྐྱེ་བོ་དག་གི་ཕྱིར། སྨིན་མཚམས་ཀྱི་འོད་ཟེར་གྱི་ཕྱོགས་གཅིག་ཙམ་བསྟན་ནོ་ཞེས་གསུངས་ནས
iiif viewer powered by OpenSeadragon
