| e-texts navigator |
| Wylie |
322b1 བམ་པོ་བཞི་པ། བཅོམ་ལྡན་འདས་ཀྱི་རྒྱལ་པོ་ཡབ་ལ་བཀའ་སྩལ་པ། དེ་ལ་ཇི་ལྟར་ན་དེ་བཞིན་གཤེགས་པ་འོད་རྟག་མ་རྗེས་སུ་དྲན་པ་ཞེ་ན། དེ་བཞིན་གཤེགས་པའི་ཕྱི་མ་མ་འོངས་པའི
322b2 སོ་སོའི་སྐྱེ་བོ་རྣམས་ཀྱིས་ཕྱིར་འོད་ཟེར་ཅུང་ཟད་ཙམ་བསྟན་པ་འདི་དེ་བཞིན་དུ་སོ་སོའི་སྐྱེ་བོ་དག་བསླབ་ཅིང་རྟག་པར་བྱའོ། ། གང་གིས་དེ་ལྟར་རྟོག་ན་ད་ལྟར་གྱི་དེ་བཞིན་གཤེགས་པའི་འོད་ཟེར་གྱི་མཚན
322b3 མཐོང་བ་དང་ཐ་མི་དད་དོ་ཞེས་གསུངས་སོ། ། དེའི་ཚེ་བཅོམ་ལྡན་འདས་ཀྱིས་སྤྱི་གཙུག་ནས། འོད་ཟེར་ཁ་དོག་རྣམ་པ་སྟོང་དང་ལྡན་པ་བཀྱེའོ།། ཁ་དོག་དེ་གཅིག་ཀྱང་རྣམ་པ་བརྒྱ་ཁྲི
322b4 བཞི་སྟོང་སྙེད་དུ་འཕྲོས་ཏེ། འཕྲོས་པ་དེ་རེ་རེ་ལ་ཡང་སྤྲུལ་པའི་སངས་རྒྱས་བརྒྱད་ཁྲི་བཞི་སྟོང་སྙེད་ཡོད་དོ།། སྤྲུལ་པའི་སངས་རྒྱས་དེ་དག་གི་སྐུའི་ཚད་ནི་དཔག་ཏུ་མེད་དེ། སྤྲུལ་པའི
322b5 སངས་རྒྱས་དེ་དག་གི་སྤྱི་གཙུག་ནས་ཀྱང་འོད་ཟེར་གཏོང་ངོ་། ། འོད་ཟེར་དེ་དག་རྒྱུན་མ་ཆད་པར་བླ་མའི་ཕྱོགས་ཀྱི་འཇིག་རྟེན་གྱི་ཁམས་ཚད་མེད་པ་སྣང་བར་བྱས་ནས། བླ་མའི་ཕྱོགས་ཀྱི
322b6 འཇིག་རྟེན་གྱི་ཁམས་ནི། ། སྤྲུལ་པའི་བྱང་ཆུབ་སེམས་དཔའ་རྡུལ་ཕྲ་རབ་སྙེད་སྤྲིན་ལྟར་སྟེང་གི་བར་སྣང་ལས་བབས་ནས། སངས་རྒྱས་རྣམས་ལ་ཡོངས་སུ་བསྐོར་ཏོ།། བཅོམ་ལྡན
322b7 འདས་ཀྱིས་འོད་འདི་བསྟན་པ་ན། ཕྱོགས་བཅུའི་རྡུལ་ཕྲ་རབ་སྙེད་ཀྱི་འཇིག་རྟེན་གྱི་ཁམས་ཀྱི་སངས་རྒྱས་རྣམས་ཀྱང་སྣང་བར་གྱུར་ཏེ། འོད་དེས་སངས་རྒྱས་རྣམས་ཀྱི་སྤྱི་གཙུག་ཀྱང
iiif viewer powered by OpenSeadragon
