| e-texts navigator |
| Wylie |
322a1 ཀྱིས་གཞལ་ཡས་ཁང་ཆེན་པོ་ཤེལ་གྱི་རི་ལྟ་བུ་ཆེ་ཆུང་དང་། མཐོ་དམན་རི་རབ་དང་དྲ་བ་སྤྲུལ་ཏེ། དེ་ལ་ལྡིང་བའི་ཁང་བུ་བརྒྱ་སྟོང་སྙེད་སྤྲུལ་ཏོ།། ལྡིང་བའི་ཁང་བུ
322a2 དེ་དག་ལས་སངས་རྒྱས་དང་ཐ་མི་དད་པའི་གཟུགས་བརྙན་སྣང་བར་གྱུར་ཏོ། ། དེའི་ཚེ་སངས་རྒྱས་ཀྱི་སྤྱན་ནི་རིན་པོ་ཆེའི་པདྨོ་འདབ་མ་སྟོང་དང་ལྡན་པ་གཅིག་ཡོད་པར་གྱུར་ཏོ།། འདབ་མ་དེ་རེའི
322a3 ལ་ཡང་འོད་སྟོང་སྟོང་འབར་རོ། ། འོད་རེ་རེ་ལ་ཡང་སྤྲུལ་པའི་སངས་རྒྱས་སྟོང་སྟོང་བཞུགས་སོ།། སངས་རྒྱས་རེ་རེ་ལ་ཡང་ཉེ་གནས་ཀྱི་འཁོར་སྟོང་སྟོང་སྙེད་དོ།། བཅོམ
322a4 ལྡན་འདས་ཀྱིས་དགའ་བོ་ལ་བཀའ་སྩལ་པ། སངས་རྒྱས་ཡོངས་སུ་མྱ་ངན་ལས་འདས་ནས་ཉེ་གནས་སུ་གྱུར་པའི་རྣམས་བྱ་བྱེད་ཐམས་ཅད་བཏང་ནས་སྡིག་པའི་ཀུན་སྤངས་ཏེ། དྲན་པ་རྩེ
322a5 གཅིག་ཏུ་སངས་རྒྱས་ཀྱི་འོད་རྟག་མར་ཡིད་ལ་བྱས་ནས། སངས་རྒྱས་མངོན་སུམ་དུ་མ་གཤེགས་ཀྱང་། སངས་རྒྱས་མཐོང་བ་ཞེས་བྱའོ།། སངས་རྒྱས་མཐོང་བས་སྡིག་པ་ཐམས
322a6 ཅད་བྱང་བར་འགྱུར་ཏེ། ཇི་ལྟར་སྨོན་པ་བཞིན་དུ་མ་འོངས་པའི་དུས་ན་བྱང་ཆུབ་རྣམ་གསུམ་ཐོབ་པར་འགྱུར།། དགའ་བོ་དེ་ལ་དེ་ལྟར་བལྟའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག
322a7 པར་མཐོང་བའོ། ། གང་གིས་དེ་ལྷ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། སངས་རྒྱས་རྗེས་སུ་དྲན་པའི་ཏིང་ངེ་འཛིན་གྱི་རྒྱ་མཚོ་ཞེས་བྱ་བའི་མདོ།།
iiif viewer powered by OpenSeadragon
