| e-texts navigator |
| Wylie |
321b1 པ་དེ་ལ་ཉན་ཐོས་ཀྱི་དགེ་སློང་ཤཱ་རིའི་བུ་དང་། མོའུ་འགལ་གྱི་བུ་ལྟ་བུ་གྲངས་མེད་པ་བརྒྱ་སྟོང་སྙེད་ཡོད་པར་གྱུར་ཏེ། སངས་རྒྱས་ཀྱི་འོད་ཀྱི་ཁང་པ་བརྩེགས་པ་ལ་མངོན་པར་ཤེས་པའི
321b2 དབང་གིས་ཆོ་འཕྲུལ་ཆེན་པོ་བཅོ་བརྒྱད་བསྟན་ཏོ། ། བུ་མོ་རྣམས་ཀྱིས་དེ་ལྟ་བུ་དག་མཐོང་ནས། ཤིན་ཏུ་དགའ་བའི་སེམས་སྐྱེད་དེ། དེ་ཉིད་དུ་ཤེས་རབ་ཀྱི་སེམས་ཉེ་བའི་ཉོན
321b3 མོངས་པ་ཁྲི་ཕྲག་ཉི་ཤུ་སྙེད་བསྲེགས་ཏེ། རྒྱུན་ཏུ་ཞུགས་པའི་འབྲས་བུ་ཐོབ་པར་གྱུར་ཏོ།། དགེ་བསྙེན་མ་རྣམས་འབྲས་བུ་ཐོབ་ནས། སངས་རྒྱས་ཀྱི་སྐུ་རབ་ཏུ་མ་ཛེས་ཤིང
321b4 འོད་ལྷང་ངེར་འཚེར་བ་ནི་མཐོང་གི། སངས་རྒྱས་ཀྱི་སྨིན་མཚམས་ཀྱི་མཛོད་སྤུ་དཀར་པོའི་འོད་ཟེར་གྱི་མཚན་ནི་མ་མཐོང་ངོ་།། བཅོམ་ལྡན་འདས་ཀྱིས་རྒྱལ་པོ་ཡབ་ལ་བཀའ
321b5 སྤྲུལ་པ། ཆུང་ངུ་ན་བཅོ་བར་བྱ་བའི་ཕྱིར། ཚིག་ངན་པ་སྨྲས་ན་ཡང་འབྲས་བུ་ཐོབ་ཀྱི་བར་དུ་མཐོང་བ་མི་གསལ་ལོ།། དེ་ལྟ་བས་ན་གང་ཟག་གི་རྣམས་ངག་ཡོངས་སུ
321b6 བསྲུངས་ཏེ། སེམས་རྩེ་གཅིག་ཏུ་སངས་རྒྱས་རྗེས་སུ་དྲན་པའི་ཏིང་འཛིན་ལ་མཉམ་པར་ཞོག་ཤིག། སངས་རྒྱས་མཐོང་བས་བསོད་ནམས་ཚད་མེད་པ་ཐོབ་པར་འགྱུར
321b7 རོ། ། དེའི་ཚེ་བཅོམ་ལྡན་འདས་འཁོར་མང་པོ་རྣམས་ཀྱིས་སངས་རྒྱས་ཀྱི་སྐུའི་གཟུགས་དང་། འོད་ཟེར་མངོན་ཞིང་གསལ་བར་མཐོང་བར་བྱ་བའི་ཕྱིར། བཅོམ་ལྡན་འདས
iiif viewer powered by OpenSeadragon
