| e-texts navigator |
| Wylie |
320b1 ཀྱི་ཉེ་གནས་སུ་གྱུར་ནས་ཡུན་རིང་པོར་བསྙེན་ཅིང་མཆིས་ན་དིང་གདོད་པདྨོ་བཟང་པོ་དང་སྤྲུལ་པའི་སངས་རྒྱས་དམ་པ་ལ་སོལ་བས་བྱུགས་པ་དང་འདྲ་བར་ནག་པོར་མཐོང་ན། སྔོན་སྡིག་པ་ཇི་ལྟ་བུ་ཞིག
320b2 བགྱིས་ནས། འདི་ལྟར་མིག་མདོངས་པར་གྱུར་པ་ལགས་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། བུ་མོ་ཁྱེད་རྣམས་བརྟག་པར་ཉོན་ལ་ཤིན་ཏུ་ཡིད་ལ་ཟུང་ཤིག་དང་།
320b3 ངས་ཁྱེད་ལ་སྔོན་འདས་པའི་དུས་ན་ཁྱེད་བྱུང་བའོ་ལོ་རྒྱུས་བཤད་པར་བྱའོ།། སྔོན་གྱི་དུས་རིང་པོ་ཚད་མེད་པ་འདས་པ་དེའི་ཚེ་དེའི་དུས་ན། སངས་རྒྱས་རིན་ཆེན་གདུགས་གཅོག་མར་མེའི་རྒྱལ་པོ།།
320b4 ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་ངོ་།། སངས་རྒྱས་དེ་མྱ་ངན་ལས་འདས་ནས་གཟུགས་ཀྱི་ཆོས་བྱེད་པའི་ཚེ་ན
320b5 དགེ་སློང་དག་ཅིག་གིས་གྲོང་དུ་བསོད་སྙོམས་ལ་ཞུགས་ནས། ། ལྷུང་བཟེད་དང་། མཁར་གསིལ་ཐོགས་ཏེ་སྤྱོད་ལམ་མཛེས་པར་བྱས་ནས། སྤྲུལ་འཚོང་མའི་ཁྱིམ་སྒོར་ཕྱིན་ཏོ།། དེའི་ཚེ་སྤྲུལ
320b6 འཚོང་མ་དག་གིས་དགེ་སློང་གི་ལྷུང་བཟེད་བླངས་ནས་བསོད་སྙོམས་ཀྱིས་བཀང་སྟེ། དགེ་སློང་ལ་ཕུལ་ནས་འདི་སྐད་དུ་སྨྲས་སོ།། ཤཱཀྱའི་རིགས་ཀྱི་བུ་ཁྱེད་མདོག་མི་སྡུག་པ་ནི་སོལ་བ་ལས་བྱས་པ
320b7 འདྲའོ། ། ལུས་ལ་གོས་གྱོན་པ་ནི་སྤྲང་པོ་དང་འདྲ་སྟེ། ཁྱེད་ལས་མི་སྡུག་པ་ནི་གནམ་གྱི་འོག་ན་ཟླ་མེད་དེ། ཁྱེད་རང་བཞིན་གྱིས་འདོད་ཆགས་མེད་ཅེས་ཟེར་གྱི། སུས་ཀྱང་ཁྱེད་མི་འདོད་དོ་ཞེས
iiif viewer powered by OpenSeadragon
