| e-texts navigator |
| Wylie |
320a1 གྲོལ་བར་གྱུར་ཏེ། ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། སངས་རྒྱས་བཅོམ་ལྡན་འདས་སྤྲིན་མེད་པའི་ཉི་མ་ལྟ་བུ་འཇིག་རྟེན་དུ་གཤེགས
320a2 ནས་ཐམས་ཅད་དུ་སྣང་ཞིང་ཤར་ཏེ། ཀུན་གྱིས་ཟླ་བོ་རྒྱས་པ་དང་འདྲ་བར་མཐོང་ན། བདག་ཅག་འབའ་ཤིག་གིས་ནི་མ་མཐོང་ངོ་།། བཅོམ་ལྡན་འདས་ཀྱིས་ཆོས་བསྟན་པའི་ཚེ་ན། གཞན།
320a3 ཀུན་གྱིས་ནི་གསུང་དབྱངས་རྣམ་པ་བརྒྱད་མངའ་བར་ཐོས་ན། བདག་ཅག་གིས་ནི་འོན་པ་དང་འདྲ་བར་ཅི་ཡང་མི་མཐོས་སོ།། བཙུན་པ་ཤཱ་རིའི་བུས་བདག་ཅག་ལ་དུས་ཁྲིམས་ལྔའི་ཆོས་བཤད
320a4 པ་དག་ཙམ་ནི་ཐོས་སོ། ། བདག་ཅག་སངས་རྒྱས་ཀྱི་ཞབས་འབྲིང་འཁོར་དུ་གྱུར་པ་ལགས་ནས། སངས་རྒྱས་ཀྱི་སྐུ་བདག་ཅག་གིས་སོལ་བའི་ཕུང་པོ་དང་འདྲ་བར་མཐོང་ངོ་།། བཅོམ་ལྡན་འདས་ཀྱི
320a5 ཐུགས་རྗེ་ཆེན་པོས་བདག་ཅག་གི་སྒྲིབ་པ་བསལ་ཏེ། བདག་གིས་ཀྱང་མཐོང་བར་མཛད་དུ་གསོལ་ལོ།། ཞེས་གསོལ་ཏོ།། དེ་ནས་བཅོམ་ལྡན་འདས་ཀྱིས་གདན་སེང་གེའི་ཁྲི་ལ
320a6 ཞུགས་པའི་ཞབས་བརྐྱང་ནས། འཁོར་ལོ་རྩིབས་སྟོང་དང་ལྡན་པའི་མཚན་དགེ་བསྙེན་མ་རྣམས་ལ་བསྟན་ནས། དགེ་བསྙེན་མ་རྣམས་ཀྱིས་འཁོར་ལོའི་མཚན་ལས་པདྨོ་སྐྱེས་པ་ལ་སྤྲུལ་པའི་སངས
320a7 རྒྱས་བཞུགས་པ་ཡང་མི་ནག་པོ་དང་འདྲ་བར་མཐོང་ངོ་། ། དེ་ནས་ཡང་ལྷག་པར་སངས་རྒྱས་ལ་ཐལ་མོ་སྦྱར་ཏེ། ཕྱག་འཚལ་ནས་འདི་སྐད་དུ་བཅོམ་ལྡན་འདས་བདག་ཅོག་སངས་རྒྱས
iiif viewer powered by OpenSeadragon
