| e-texts navigator |
| Wylie |
319b1 ། རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ་ལོ།། དགེ་འདུན་ལ་ཕྱག་འཚལ་ལོ།། ཞེས་བརྗོད་ནས། སྡིག་པ་མི་དགེ་བ་རྣམས་སེམས་ཀྱི་འགྱོད་པས་འཐོལ་ཞིང་བཤགས་སོ།།
319b2 དེ་ནས་བཅོམ་ལྡན་འདས་ཀྱིས་སྨན་མཚམས་ཀྱི་སྐྱེས་བུ་ཆེན་པོའི་མཚན་གྱི་འོད་ཟེར་བཀྱེ་ནས། དགེ་བསྙེན་རྣམས་ཀྱི་སེམས་སྣང་ཞིང་གྲོལ་བར་བྱས་ཏེ། འཐུན་པར
319b3 རྒྱུན་ཏུ་ཞུགས་པའི་འབྲས་བུ་ཐོབ་པར་གྱུར་ཏོ། ། དགེ་བསྙེན་དེ་རྣམས་ཀྱིས་རྒྱུན་ཏུ་ཞུགས་པའི་འབྲས་བུ་ཐོབ་ནས། སངས་རྒྱས་ཀྱི་སྐུ་འཇིག་རྟེན་དཔེ་ཟླ་མེད་པ་རབ་ཏུ་མཛེས་པར་མཐོང
319b4 སྟེ། སངས་རྒྱས་ཀྱི་སྤྱན་སྔར་རབ་ཏུ་བྱུང་ནས་དགྲ་བཅོམ་པར་གྱུར་ཏོ།། དེ་ནས་དགེ་བསྙེན་མའི་འཁོར་ལས་སངས་རྒྱས་ཀྱི་སྐུ་སོལ་བའི་ཕུང་པོ་ལྟ་བུར་མཐོང་བའི་རྣམས
319b5 འདུག་པ་ལས་ལ་ངས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་ཏེ། མཆི་མ་བླགས་ནས་སྐད་ཀྱིས་བརྣངས་པ་ཙམ་དུ་ངུས་ཏེ། མགོ་ལ་ཐལ་མོས་རྡེབས་ཤིང
319b6 དབུགས་ཆད་ནས་ས་ལ་འགྱེལ་ཏོ། ། དེའི་ཚེ་བཅོམ་ལྡན་འདས་ཀྱིས་དེ་ལྟར་གྱུར་པ་གཟིགས་ནས། ཚངས་པའི་དབྱངས་ཀྱིས་བུ་མོ་རྣམས་ལ་སྤྲོ་བ་བསྐྱེད་དེ་འདི་སྐད་དུ། བུ་མོ
319b7 ཁྱེད་རྣམས་ཅིའི་ཕྱིར་འདི་ལྟར་མྱ་ངན་ཆེན་པོ་བྱེད་ཅིང་འདི་ལྟ་བུར་གྱུར་ཅེས་བཀའ་སྩལ་པ་དང་། དགེ་བསྙེན་མའི་རྣམས་ཀྱིས་སངས་རྒྱས་ཀྱི་གསུང་ཐོས་པ་ལས་དབང་པོའི་རྒྱུད་ཀུན
iiif viewer powered by OpenSeadragon
