| e-texts navigator |
| Wylie |
318b1 བསོད་ནམས་ཀྱི་རྣམ་པར་སྨིན་པའི་འབྲས་བུ་ཆེན་པོ་ཐོབ་ན། སེམས་རྩེ་གཅིག་ཏུ་སངས་རྒྱས་ཀྱི་སྐུ་ཡིད་ལ་བྱེད་པ་ལྔ་ཅི་སྨོས་ཞེས་གསུངས་སོ།། དེ་ནས་ཡང་དགེ་བསྙེན་གྱི་འཁོར་ལས
318b2 སངས་རྒྱས་བཅོམ་ལྡན་འདས་ཀྱི་སྐུ་བ་གླང་ནག་པོའི་རྐང་པ་ལྟ་བུར་མཐོང་བ་རྣམས་འདུག་པ་ལས་ལངས་ཏེ་བླ་གོས་ཕྱོགས་གཅིག་ཏུ་བྱས་ནས། བཅོམ་ལྡན་འདས་གང་ན་བའི་ལོགས་སུ
318b3 ཐལ་མོ་སྦྱར་ཏེ། འདི་སྐད་ཅེས་གསོལ་ཏོ།། བདག་ཅག་ཡུལ་འདིར་སྐྱེས་ཏེ། བདག་ཅག་གི་ཡུལ་གྱི་རྒྱལ་བུ་རབ་ཏུ་བྱུང་ནས་མངོན་པར་འཚང་རྒྱའོ་ཞེས། དྲང་སྲོང་མི་དཀར་བས་ཀྱང
318b4 མཚན་སུམ་ཅུ་རྩ་གཉིས་མངའ་བ་མཐོང་སྟེ། བདག་ཅག་ལ་ཡང་འདི་སྐད་དུ་སའི་ལྷ་རྒྱལ་བུ་འདི་ནི། གདོན་མི་ཟ་བར་མངོན་པར་འཚང་རྒྱའོ་ཞེས་སྨྲས་ཏེ། བདག་ཅག་གིས་ཀྱང་དེ་སྐད་ཐོས
318b5 ནས། ས་ཕས་རྒྱས་ལ་སྐབས་སུ་གསོལ་ཏེ། སངས་རྒྱས་ཀྱི་ཞབས་འབྲང་འཚལ་ཞིང་སྐྱབས་སུ་མཚ་བ་གསུམ་དང་། ཉན་ཞག་ག་ཁྲམས་བརྒྱད་དང་། ལྔ་མ་ནོས་ཏེ་མོས་པས་བསྲངས་ཀྱང་བདག
318b6 ཅག་གི་སྔོན་གྱི་སྡིག་ལྕི་བའི་ལས་ཀྱིས་སངས་རྒྱས་ཀྱི་གསུང་ནི་ཐོས་ཀྱི་སྐུ་ནི་མི་མཐོང་ངོ་། ། བདག་ཅག་སངས་རྒྱས་ལྦུ་བ་ན་རྟག་ཏུ་བ་གླང་ནག་པོའི་རྐང་པ་ལྟ་བུར་མཐོང་ན། ཅི་ཞིག་གིས་མནར་ཅེས
318b7 སྨྲས་ཏེ། བྲང་རྡུང་ཞིང་ངུས་ནས་ས་ལ་འགྱེལ་ཏོ།། དེ་ནས་དེ་བཞིན་གཤེགས་པས་ཚངས་པའི་དབྱངས་ཀྱིས་ཇི་ལྟར་ཕ་བུ་ལ་བྱམས་པས་སྤྲོ་བ་སྐྱེད་པ་བཞིན་དུ། དགེ་བསྙེན་རྣམས
iiif viewer powered by OpenSeadragon
