| e-texts navigator |
| Wylie |
318a1 ཚུལ་གྱིས་གོམ་པ་དྲལ་བུས་སུ་བུ་མོ་དེ་དག་གི་དྲུང་དུ་སོང་ནས། གདིང་བ་བཏིང་སྟེ་འདུག་གོ།། བུ་མོ་དེ་རྣམས་ཀྱིས་དེ་དག་མཐོང་ནས་རབ་ཏུ་དགའ་སྟེ་འདི་སྐད་དུ། ཡུལ་སྟོང་པ་ལྷ
318a2 དང་དྲང་སོང་རྒྱུ་བའི་གནས་འདི་དག་ཏུ་མིའི་མཆོག་དགེ་སློང་འདིར་འདུག་པ་འདི་ནི་ངེས་པར་མ་རབས་ཕལ་པ་མ་ཡིན་དུ་ངེས་ཀྱིས། བདག་ཅག་མཆོད་པ་བྱའོ་ཞེས་སྨྲས་ནས། སོ་སོའི་དངུལ་གྱི
318a3 གདུ་བུ་ཕུད་ནས། དགེ་སློང་ལ་གཏོར་ཏོ།། དགེ་སློང་འདི་བརྩོན་འགྲུས་དང་སྤྱོད་པའི་ཡོན་ཏན་དུ་ལྡན་པས་གདོན་མི་ཟ་བར་འཚང་རྒྱ་བར་འགྱུར་གྱིས། དེའི་དུས་ན་བདག་ཅག་རྣམས་ཀྱིས་མཐོང
318a4 བར་ཤོ་གང་ཤིག་ཅེས་སྨོན་ལམ་བཏབ་བོ། ། དེའི་ཚེ་ཁྱེད་རྣམས་གདུ་བུ་བོར་བ་ལ་ཆགས་པ་སྐྱེས་པས་སྐྱེ་གནས་ཐམས་ཅད་དུ་དངུལ་གྱི་རི་ལ་དབུལ་གྱི་ལྷའི་བུ་མོ་རིན་པོ་ཆེར་སྐྱེས་སོ།། དགེ་སློང་དེ་ལ
318a5 ཕྱག་འཚལ་ཏེ། དངུལ་གྱི་གདུ་བུ་ཕུལ་བས་ང་འཇིག་རྟེན་དུ་བྱུང་བ་དང་ཕྲད་དེ། བཀྲུས་པ་བཞིན་དུ་ཡོངས་སུ་དག་ནས་དགྲ་བཅོམ་པར་གྱུར་ཏོ།། དེའི་ཚེ་དགེ་སློང་དེ་ནི་ད་ལྟར་གྱི་ང་ཡིན་ནོ།། བུ་མོ
318a6 དེ་དག་ཀུན་ནི་ཁྱེད་ཡིན་ནོ། ། ཁྱེད་སྔོན་དགེ་སྦྱོང་ལ་མཆོད་ཅིང་སྨོན་ལམ་བཏབ་སྟེ། སངས་རྒྱས་ལ་ཕྱག་བྱས་པས། སྐྱེ་བ་ཐམས་ཅད་དུ་སངས་རྒྱས་དང་ཕྲད་པར་གྱུར་ཏོ།། རྒྱལ་པོ་ཡབ་མིའི
318a7 རིན་པོ་ཆེ་སངས་རྒྱས་བཅོམ་ལྡན་འདས་ནི་ཀུན་ལ་ཕན་པ་དང་། སྐྱབས་སུ་གྱུར་པའི་བདག་ཉིད་ཡིན་ཏེ། གང་གིས་མཚན་ཐོས་པ་འམ། ཕྱག་འཚལ་ཞིང་མཆོད་པ་ཆ་ཅིག་ཕུལ་བ་ཙམ་གྱིས་ཀྱང་།
iiif viewer powered by OpenSeadragon
