| e-texts navigator |
| Wylie |
317a1 སེམས་དཔའ་སྟོང་མཐར་གྱིས་མངོན་པར་འཆང་རྒྱ་བ་བཞིན་ནོ། ། རྒྱལ་པོ་ཡབ་དགེ་སློང་འདི་རྣམས་སྔོན་སློབ་དཔོན་དང་། དགེ་འདུན་ལ་ཐེ་ཙོམ་ཟོས་པས་ཁ་ན་མ་ཐོ་བའི་སྡིག
317a2 པ་ཆེན་པོ་ཐོབ་པར་གྱུར་པ་ལས། སངས་རྒྱས་ཀྱི་མཚན་ནས་བརྗོད་དེ་ཕྱག་འཚལ་ལོ་ཞེས་བརྗོད་པའི་བསོད་ནམས་ཀྱི་འབྲས་བུ་སྨིན་པས། ད་ལྟར་ངའི་སྤྱན་སྔར་བསྟན་པར་གྱུར་ན།། སངས་རྒྱས
317a3 རྗེས་སུ་དྲན་པར་ཡིད་ལ་བྱེད་པ་ལྟ་སྨོས་ཀྱང་ཅི་དགོས་ཞེས་གསུངས་སོ། ། དེ་ནས་དགེ་སློང་མ་རྣམས་ཀྱི་ནང་ནས་སངས་རྒྱས་ཀྱི་སྐུ་དངུལ་གྱི་ཁ་དོག་ཏུ་མཐོང་བའི་རྣམས་འདུག་པ
317a4 ལས་ལངས་ནས། བླ་གོས་ཕྱོགས་གཅིག་ཏུ་བྱས་ཏེ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དེ་བཞིན་གཤེགས་པས་དིང་སྐུའི་མདོག་དང་། འོད་ཟེར
317a5 བཤད་པས་སེམས་ཅན་མང་པོའི་ཁ་ན་མ་ཐོ་བའི་སྡིག་པ་སེལ་བར་འགྱུར་རོ་ཞེས་གསུངས་ན། བདག་ཅག་གྱིས་ཅིའི་སླད་དུ་ཐོག་མ་སྐྱེས་ནས་རབ་ཏུ་བྱུང་བ་དང་། ད་ལྟར་གྱི་བར་དུ་སངས་རྒྱས
317a6 ཀྱི་སྐུ་དངུལ་གྱི་མདོག་ཏུ་མཐོང་ཞིང་། དངུལ་གྱི་མེ་ཏོག་དང་། དངུལ་གྱི་འོད་དང་། རྒྱན་དང་། ཡོད་བྱད་ཐམས་ཅད་ཀྱང་དངུལ་གྱི་ཁ་དོག་ཏུ་མཐོང་ན། བདག་ཅག་གིས་ཅིའི
317a7 སླད་དུ། དེ་བཞིན་གཤེགས་པའི་སྐུ་གསེར་གྱི་མདོག་ལ་འོད་ལྷམ་མེར་འབར་བ་དང་། མཚན་སུམ་ཅུ་རྩ་གཉིས་བསོད་ནམས་ཀྱི་འབྲས་བུ་ལས་སྨིན་པ་མ་མཐོང་བར་གྱུར་པ་ལགས་ཞེས
iiif viewer powered by OpenSeadragon
