| e-texts navigator |
| Wylie |
295a1 སྔ་མ་ལ་བསྐོར་རོ། ། དེ་ལ་རི་མོ་རྣམ་པ་གསུམ་ཡོད་དེ་ཤིན་ཏུ་གསལ་ལ་ཁ་དོག་གི་ནང་ན་དམ་པའོ།། རི་མོ་དེའི་བར་ན་ནོར་བུ་རིན་པོ་ཆེ་རེ་རེ་ཡོད་དོ།། ནོར་བུ་རིན་པོ་ཆེ་དེའི
295a2 འོད་ཀྱང་ཁ་དོག་རྣམ་པ་བརྒྱ་སྟོང་སྟེ། ནོར་བུའི་འོག་ན་མེ་ཏོག་དཀར་པོ་སྡོང་བུ་འབྲེལ་ཅིང་གཅིག་གིས་གཅིག་བརྟན་ཏོ།། དེའང་ལན་གསུམ་དུ་བསྐོར་ནས། ཕྱིར་ཡང་ཞལ་གྱི་ཨག་ཙོམ་གྱི
295a3 གནས་སུ་ཞུགས་སོ། ། དེ་དག་ནི་དེ་བཞིན་གཤེགས་པའི་ཞལ་གྱི་ཨག་ཙོམ་གྱི་འོད་ཀྱི་མཚན་ཞེས་བྱ་སྟེ། བཅོམ་ལྡན་འདས་ཡོངས་སུ་མྱ་ངན་ལས་འདས་ནས། གང་གིས་དེ་ལྟར་རྗེས་སུ
295a4 དྲན་པར་བྱས་ན། བསྐལ་པ་སུམ་ཅུ་སྙེད་ཀྱི་འཁོར་བའི་ཉེས་པ་སྤོང་བར་འགྱུར་ཞིང་། སྐྱེ་བ་ཕྱི་མ་ལ་ལུས་ཀྱི་བ་སྤུའི་བུ་ག་ཐམས་ཅད་ནས་འོད་ཟེར་འཚེར་ལ། འཁོར་བའི་ཁྱིམ་དང་འཁོར་གཡོག་ལ
295a5 སོགས་པའི་འཇིག་རྟེན་གྱི་དགའ་བ་ལ་མི་ཆགས་ཏེ། རྟག་ཏུ་རབ་ཏུ་འབྱུང་བ་ལ་མོས་པ་དང་། སྦྱངས་པའི་ཡོན་ཏན་ལ་དང་བར་འགྱུར་རོ།། དེ་ལ་དེ་ལྟར་བལྟའོ།། གང་གིས་དེ་ལྟ་བུར་མཐོང་བ་དེ་ནི
295a6 ཡང་དག་པར་མཐོང་བའོ། ། གང་གིས་དེ་ལྷ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། དེ་ལ་ཇི་ལྟར་ན་དེ་བཞིན་གཤེགས་པའི་ཞལ་གྱི་སྒྲོས་དམར་ཞིང་མཛེས་ལ། བིམ་པའི་འབྲས་བུ་ལྷ
295a7 བུའི་མཚན་ཞེ་ན། དེ་བཞིན་གཤེགས་པའི་ཞལ་གྱི་སྒྲོས་གོང་མ་དང་འོག་མ་དང་། ཚེམས་དང་ཚེམས་མཆེ་བ་དང་། ཞལ་གྱི་དཀན་ལས་འོད་ཅིག་ཅར་འབྱུང་བ་ནི་ཟླུམ་པོ་སྟེ། མུ་ཏིག་དམར
iiif viewer powered by OpenSeadragon
