| e-texts navigator |
| Wylie |
294b1 ཨ་གཅོམ་ཉག་མ་རེ་རེ་ནས་བསྐོར་ཏེ། ཉག་མ་དེ་རེ་རེའི་དྲུང་ནས་མེ་ཏོག་ཁ་བྱེད་པ་ཁྲེའི་འབྲུམ་དུ་ཙམ་ལྟ་བུས།། ཞལ་གྱི་སྤྲོས་དང་། ཞལ་གྱི་རྐན་དང་། ཚེམས་ཀྱི་བར་དང་། མགུར་གྱི་མཚན་སྣང་ཞིང
294b2 མཛེས་པར་བྱས་ན། སངས་རྒྱས་ཀྱི་ཐུགས་ཀར་འོད་ཟེར་གྱི་སྤྲིན་དུ་གྱུར་ཏེ། ཕྱི་ནང་གསལ་ལ་ཡོངས་སུ་དག་ཅིང་རྡུལ་དང་དྲི་མ་མེད་པ་ནི། དཔེར་ན་བཻ་ཌཱུཪྻའི་སྣོད་ཀྱི་ནང་ན་གསེར་བཙོ་མའི་འོད་སྣང་བ
294b3 བཞིན་ནོ། ། དེ་དག་ནི་དེ་བཞིན་གཤེགས་པའི་ཡོངས་སུ་དག་པའི་ཤངས་ཀྱི་མཚན་ཞེས་བྱ་སྟེ། བཅོམ་ལྡན་འདས་ཡོངས་སུ་མྱ་ངན་ལས་འདས་ནས། སངས་རྒྱས་ཀྱི་ཉེ་གནས་སུ་གྱུར་པ་དག།
294b4 གང་གིས་དེ་ལྟར་རྗེས་སུ་དྲན་པར་བྱས་ན། བསྐལ་པ་སྟོང་སྙེད་ཀྱི་ཁ་ན་མ་ཐོ་བའི་ལས་ངན་པ་ཡོངས་སུ་འབྱང་ཞིང་། སྐྱེ་བའི་གནས་ཕྱི་མར་ཡང་བསུང་དམ་པ་སྣར་རྟག་ཏུ་བྲོ་ཡང་། དེ་ལ་སེམས
294b5 མངོན་པར་མི་ཆགས་ཏེ། རྟག་ཏུ་ཚུལ་ཁྲིམས་ཀྱི་བསུང་གིས་ལུས་བརྒྱན་པར་འགྱུར་རོ།། དེ་ལ་དེ་ལྟར་བལྟའོ།། གགོང་གིས་དེ་ལྟ་བུར་མཐོང་བ་དེ་ནི་ཡང་དག་པར་མཐོང་བའོ།། གང་གིས་དེ་ལྷ་མ
294b6 ཡིན་པར་མཐོང་བ་དེ་ནི་ལོག་པར་མཐོང་བའོ། ། དེ་ལ་ཇི་ལྟར་ན་དེ་བཞིན་གཤེགས་པའི་ཞལ་གྱི་ཨག་ཙོམ་གྱི་མཚན་རྗེས་སུ་དྲན་པ་ཞེ་ན། དེ་བཞིན་གཤེགས་པའི་ཞལ་གྱི་ཨག་ཙོམ་ཉག་མ་རེ་རེའི་ཐོག།
294b7 མ་ལ་ཡང་འོད་ཟེར་རྣམ་པ་གསུམ་འབྱུང་སྟེ། རྨ་དང་མཐོན་མཐིང་དང་། ལེ་བརྒན་གྱི་ཁ་དོག་ལྷ་བུའོ།། དེ་ལྟར་འོད་དེས་ཞལ་གྱི་གྲཝ་དང་ནང་ནས་འཁྱིལ་ཅིང་མགུར་སྣང་བར་བྱས་ནས་འོད་ཟླུམ་པོ
iiif viewer powered by OpenSeadragon
