| e-texts navigator |
| Wylie |
294a1 དེ་བཞིན་གཤེགས་པའི་ཞལ་སེང་གེ་ལྷུར་གླལ་བའི་མཚན་ཞེས་བྱ་སྟེ། སངས་རྒྱས་ཡོངས་སུ་མྱ་ངན་ལས་འདས་ནས། འཁོར་རྣམ་བཞི་ལས་གང་ཞིག་གིས་དེ་ལྟར་རྗེས་སུ་དྲན་པར
294a2 བྱས་ན། བསྐལ་པ་བཅུ་སྙེད་ཀྱི་འཁོར་བའི་ཉེས་པ་ཡོངས་སུ་སྤོང་བར་འགྱུར་ཏེ། སྐྱེ་བ་ཕྱི་མའི་གནས་སུ་དེའི་ཁ་ན་མེ་ཏོག་ཨུ་དུམ་ལ་རའི་བསུང་བྲོ་ཞིང་། སྨྲ་བའི་ཚིག་ཀུན་གྱིས་ཡིད་ཆེས་པར་གྱུར་ཏེ།
294a3 ཇི་ལྟར་སུམ་ཅུ་རྩ་གསུམ་གྱི་ལྷ་ཐམས་ཅད་བརྒྱ་བྱིན་གྱི་ཚིག་ཉན་པ་བཞིན་ནོ།། དེ་ལ་དེ་ལྟར་བལྟའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག་པར་མཐོང་བའོ།། གང་གིས་དེ་ལྷ་མ་ཡིན
294a4 པར་མཐོང་བ་དེ་ནི་ལོག་པར་མཐོང་བའོ། ། དེ་ལ་ཇི་ལྟར་ན་དེ་བཞིན་གཤེགས་པའི་ཤངས་ཀྱི་མཚན་རྗེས་སུ་དྲན་པ་ཞེ་ན། དེ་བཞིན་གཤེགས་པའི་ཤངས་ནི་མཐོ་ལ་ཤིན་ཏུ་དྲང་བ། ཞལ་གྱི
294a5 ཐད་ཀར་བར་པ་བྱ་རིག་པའི་རྒྱལ་པོའི་མཆུ་ལྷ་བུ་སྟེ། ཤངས་ཀྱི་བུ་གུ་ནས་འོད་ཟེར་འབྱུང་ཞིང་ཡང་རྒྱུ་བ་ནི། སྤྱན་དང་། སྤྱན་གྱི་སྨིན་མ་དང་། སྨིན་མཚམས་ཀྱི་མཛོད་སྤུ་དཀར་པོ་དང་། དབུ
294a6 འདབ་ཀྱི་མཛོད་སྤུའི་མཚན་ཀུན་སྣང་བར་བྱས་ནས། སྤྱི་གཙུག་གི་དོ་ཀེར་ལ་ཐུག་སྟེ། གསེར་གྱི་རྒྱལ་མཚན་དང་འདྲའོ།། ཕྱིར་ཡང་ལྷག་ཁུང་ནས་བྱུང་ནས། མེ་ཏོག་རྣམ་པ་སྣ་ཚོགས་སུ་གྱུར
294a7 ། མེ་ཏོག་དེ་དག་ལས་ཚད་མེད་པའི་ལྷ་མང་པོ་ཀུན་ལག་ན་རོལ་མོའི་ཆ་བྱད་ཐོགས་པ་དག་སྤྲུལ་པའི་ཞ་འབྲིང་དུ་གྱུར་ཅིང་འོད་སྔ་མ་ལ་ལན་བཅུ་བསྐོར་ཏེ། ཟུར་ཏུ་རྒྱུ་བ་ནི་སངས་རྒྱས་ཀྱི་ཞལ་གྱི
iiif viewer powered by OpenSeadragon
