| e-texts navigator |
| Wylie |
293b1 ཡོད་དོ། ། གཡས་གཡོན་འདྲ་ལ་ལྷུན་མཉམ་པ་སྟེ། དེ་ལས་འོད་ཟེར་དམ་པ་འཚེར་བ་ནི་འཛམ་བུའི་ཆུ་ཀླུང་གཱི་གསེར་གྱི་འོང་བས་ཀྱང་ཤིན་ཏུ་ལྷག་པས། སངས་རྒྱས་ཀྱི་ཞལ་གྱི་མཚན་ཤིན་ཏུ་སྣང་བར
293b2 བྱེད་དེ། དཔེར་ན།། ཉི་ཟླ་བརྒྱ་སྟོང་བསྡུས་པ་ལྟ་བུ་སྟེ། དེ་ནི་དེ་བཞིན་གཤེགས་པའི་ཞལ་འགྲམ་པ་ཟུར་ཕྱིན་པའི་མཚན་ཞེས་བྱའོ།། བཅོམ་ལྡན་འདས་ཡོངས་སུ་མྱ་ངན་ལས་འདས་ནས། སངས་རྒྱས་ཀྱི
293b3 ཉེ་གནས་སུ་གྱུར་པ་གང་སེམས་རྩེ་གཅིག་ཏུ་ཡིད་ལ་བྱེད་ན། བསྐལ་པ་བརྒྱ་སྙེད་ཀྱི་འཁོར་བའི་ཉེས་པ་ཡོངས་སུ་སྤོང་སྟེ། སངས་རྒྱས་མངོན་སུམ་དུ་མཐོང་བར་འགྱུར་གྱིས་ཐེ་ཙོམ་མི་བྱའོ།།
293b4 དེ་ལ་དེ་ལྟར་བལྟའོ།། གང་དེ་ལྟ་བུར་མཐོང་བ་དེ་ནི། ཡང་དག་པར་མཐོང་བའོ།། གང་གིས་དེ་ལྷ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། དེ་ལ་ཇི་ལྟར་ན་དེ་བཞིན་གཤེགས་པའི་ཞལ
293b5 སེང་གེ་ལྷར་གླལ་བའི་མཚན་ཞེ་ན། སངས་རྒྱས་ཀྱི་ཞལ་གདངས་པ་ན་སེང་གེའི་རྒྱལ་པོའི་ཁ་ལྷར་གྲུ་བཞི་ལ་མཉམ་ཞིང་ཟུར་ཕྱིན་ཏེ། ཞལ་གྱི་གྲཝ་གཉིས་ནས། འོད་རྣམ་པ་གཉིས་གསེར་བཙོ་མའི
293b6 མདོག་ལྟ་བུ། སྔ་མ་བས་བརྒྱ་སྟོང་གིས་ལྷག་པ་འབྱུང་ཞིང་། སྙན་གྱི་ཁུང་བུར་ཞུགས་ནས་ཕྱིར་ཡང་དབུའི་ཉག་མ་རེ་རེ་ནས་བསྐོར་ཏེ། སླར་ལྷག་ཁུང་ནས་བྱུང་ནས། འོད་སྔ་མ་འཁྱིལ་ཅིང་ཟླུམ
293b7 པ་ལ་བསྐོར་ཏེ། རི་མོ་དེའི་བར་ན་སྤྲུལ་པའི་སངས་རྒྱས་གསུམ་གསུམ་བཞུགས་ཏེ། སྤྲུལ་པའི་སངས་རྒྱས་དེ་རེ་རེ་ལ་ཡང་འཁོར་ཚངས་པའི་རྒྱལ་པོ་གཉིས་ཀྱིས་བསྙེན་བཀུར་བྱེད་དོ།། དེ་དག་ནི
iiif viewer powered by OpenSeadragon
