| e-texts navigator |
| Wylie |
293a1 དེ་སྐྱེ་བའི་གནས་ཀུན་ན་རྣ་བའི་དབང་པོ་ཡོངས་སུ་དག་ཅིང་དྲི་མ་མེད་པར་འགྱུར་བླ་ན་མེད་པའི་གསུང་རབ་དམ་པ་བཅུ་གཉིས་ཀྱང་རྟག་ཏུ་རྣ་ལམ་ན་ཐོས་པར་འགྱུར་རོ། ། ཐོས་ནས་ཀྱང་།
293a2 དད་ཅིང་ཡིད་ཆེས་པ་དང་། ཇི་ལྟ་བ་བཞིན་དུ་ནན་ཏན་དུ་སྤྱོད་པར་འགྱུར་རོ།། དེ་བསྐལ་པ་བརྒྱད་ཅུ་སྙེད་ཀྱི་འཁོར་བའི་ཉེས་པ་ཡང་ཡོངས་སུ་སྤོང་བར་འགྱུར་རོ།། གལ་ཏེ་མི་མཐོང་ན་སྔ་མ་བཞིན་དུ
293a3 མཆོད་རྟེན་གྱི་ནང་དུ་ཞུགས་ཏེ། གཟུགས་བརྙན་གྱི་སྙན་ལ་ཞག་གཅིག་ནས་ཞག་བཅུ་བཞིའི་བར་དུ་བརྟགས་ན། སྔར་བཤད་པའི་ཡོན་ཏན་མང་པོ་ཀུན་ཐོབ་པར་འགྱུར་རོ།། དེ་བས་ན་མཁས་པ་དག་རབ
293a4 ཏུ་བརྩོན་པའི་སྦྱོར་བས་སངས་རྒྱས་ཀྱི་སྙན་རྗེས་སུ་དྲན་པ་ནམ་དུ་ཡང་མི་གཏང་བར་བྱའོ། ། གལ་ཏེ་ནད་ཀྱིས་ཟིན་ན་ཡང་སྐྱེས་ཏེ་འདུག་གམ། ཡང་ན་ཉལ་ན་ཡང་སངས་རྒྱས་ཀྱི་སྙན་ཡོངས་སུ་དག་པའི
293a5 མཚན་རྗེས་སུ་དྲན་པར་བྱའོ། ། དེ་ལྟར་གཟུགས་བརྙན་གྱི་སྙན་ལ་སྔ་མ་བཞིན་དུ་འདུ་ཤེས་ཤིང་ཡིད་ལ་བྱེད་པ་ལ། སེམས་མི་ནུར་བར་རྩེ་གཅིག་ན་སྐྱེ་བའི་གནས་ཕྱི་མར་རྟག་ཏུ་གཟུགས་ཐོབ་པའི་སྐྱེས་བུ་དག།
293a6 བདག་གི་འཁོར་དུ་འགྱུར་ཞིང་ནོར་བུ་བརྒྱུས་པ་ལྟར་ཆོས་ཐོས་པར་ཀུན་དྲན་ཞིང་འཛིན་པར་འགྱུར་རོ།། དེ་ལ་དེ་ལྟར་བལྟའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག་པར་མཐོང་བའོ།། གང་གིས་དེ་ལྷ
293a7 མ་ཡིན་པར་མཐོང་བ་དེ་ནི་ལོག་པར་མཐོང་བའོ། ། དེ་ལ་ཇི་ལྟར་ན་དེ་བཞིན་གཤེགས་པའི་ཞལ་འགྲམ་པ་ཟུར་ཕྱིན་པའི་མཚན་རྗེས་སུ་དྲན་པ་ཞེ་ན། དེ་བཞིན་གཤེགས་པའི་ཞལ་འགྲམ་པ་ལ་རི་མོ་དྲུག
iiif viewer powered by OpenSeadragon
