| e-texts navigator |
| Wylie |
292b1 དག་པར་མཐོང་བའོ། ། གང་གིས་དེ་ལྟ་མ་ཡིན་པར་མཐོང་བ་དེ་ནི་ལོག་པར་མཐོང་བའོ།། སངས་རྒྱས་རྗེས་སུ་དྲན་པའི་ཏིང་ངེ་འཛིན་གྱི་རྒྱ་མཚོ་ཞེས་བྱ་བའི་མདོ། བམཐོ
292b2 གསུམ་པ། བཅོམ་ལྡན་འདས་ཀྱིས་རྒྱལ་པོ་ཡབ་ལ་འདི་སྐད་ཅེས་བཀའ་སྩལ་ཏོ།། དེ་ལ་ཇི་ལྟར་ན་སངས་རྒྱས་ཀྱི་སྙན་རྗེས་སུ་དྲན་པ་ཞེ་ན། སངས་རྒྱས་ཀྱི་སྙན་ནི་རབ་ཏུ་འཕྱང་ལ་སྙན་གྱི
292b3 ནང་ནས་སྤུ་ཉག་མ་བདུན་འཁྱིལ་ཅིང་སྐྱེ་བ་ལས་ཁྲེམཉེར་གྱི་མཚན་དང་ལྡན་པ་སྟེ། རྒྱལ་པོའི་ཁབ་ཏུ་བལྟམ་ནས། ཐོག་མ་སྙན་འབུགས་པའི་ཚེ་ན། སྙན་གཉིས་ཀྱི་བུ་གནས་ཕྱི་ནང་དུ་མེ་ཏོག་སྐྱེས་ཤིག
292b4 མེ་ཏོག་དང་སྤུ་ཉག་མ་བདུན་ལས་འོད་རྣམ་པ་ལྔ་བརྒྱ་བྱུང་ངོ་། ། འོད་ལྔ་བརྒྱ་དེ་དག་ལས་ཁ་དོག་རྣམ་པ་ལྔ་བརྒྱ་སྟེ། ཁ་དོག་དེ་གཅིག་ལ་ཡང་སངས་རྒྱས་ལྔ་བརྒྱ་སྙེད་དོ།། སངས་རྒྱས་དེ་གཅིག་ལ་ཡང
292b5 འཁོར་བྱང་ཆུབ་སེམས་དཔའ་ལྔ་ལྔ་དང་། དགེ་སློང་ལྔ་ལྔའོ།། དེ་ཡང་འོད་དེ་དག་གིས་གཡས་ནས་རིམ་པ་ལྔར་བསྐོར་ཏེ། བླ་འོག་མཚམས་མཉམ་ཞིང་སངས་རྒྱས་ཀྱི་སྙན་འཚེར་བ་ཡིད་དུ་འོང་བ་ནི།
292b6 རིན་པོ་ཆེའི་པདྨོ་ཉི་ཟེར་ལ་དཔྱངས་པ་ལྟ་བུར་ཤིན་ཏུ་འཚེར་བའོ།། སངས་རྒྱས་འཇིག་རྟེན་ན་བཞུགས་པའི་ཚེ། འཁོར་མང་པོ་ཐམས་ཅད་ཀྱིས་མཚན་དེ་དག་མཐོང་བར་གྱུར་ཏེ། དེ་དག་ན་སངས
292b7 རྒྱས་ཀྱི་སྙན་གྱི་འོད་ཟེར་ཅེས་བྱའོ། ། རྒྱལ་པོ་ཡབ་འཁོར་རྣམ་བཞི་ལས་གང་ཞིག་འདུ་འཛི་ཡོངས་སུ་སྤངས་ཏེ། སངས་རྒྱས་ཀྱི་སྙན་གྱི་མཚན་ཡང་དག་པར་རྗེས་སུ་དྲན་པར་ཡིད་ལ་བྱས་ན། གང་དག
iiif viewer powered by OpenSeadragon
